பிஎச்.டி. பட்டப்படிப்பு சேர்க்கை கலந்தாய்வு ஒத்திவைப்பு
பெங்களூரு பல்கலைக்கழகத்தின் பிஎச்.டி. பட்டப்படிப்பு சேர்க்கைக்கான கலந்தாய்வு ஒத்திவைக்கப்பட்டுள்ளது.
இதுகுறித்து பெங்களூரு பல்கலைக்கழகம் வெளியிட்டுள்ள செய்திக்குறிப்பு:
பெங்களூரு பல்கலைக்கழகத்தில் 2016-17-ஆம் கல்வியாண்டில் மொழிகள், கலை, கல்வி, வர்த்தகம், மேலாண்மை பாடப் பிரிவுகளில் பிஎச்.டி பட்டப்படிப்பில் சேர்ந்து படிப்பதற்கான சேர்க்கை கலந்தாய்வு பெங்களூரில் ஜூலை 14-ஆம் தேதி நடக்கவிருப்பதாக அறிவிக்கப்பட்டிருந்தது. தவிர்க்க முடியாத காரணங்களால் இது ரத்து செய்யப்பட்டது.
குறிப்பாக, மொழிகள், கலை, கல்வி, வர்த்தகம், மேலாண்மை பாடப் பிரிவுகளில் பிஎச்.டி பட்டப்படிப்பில் சேர்க்கை பெறுவதற்காக ஜூலை 27-ஆம் தேதி நடக்கவிருந்த கலந்தாய்வு தவிர்க்க முடியாத காரணங்களால் ஒத்திவைக்கப்பட்டுள்ளது. மறுதேதி பின்னர் அறிவிக்கப்படும்.
மேலும் விவரங்களுக்கு www.phd.bangaloreuniversity.ac.in, www.buphd.inhawk.com ஆகிய இணையதளங்களை அணுகலாம் என்று அதில் கூறப்பட்டுள்ளது.
