புகழ்ச்சியில் ஏமாந்துவிட வேண்டாம்: அதிமுக அமைச்சர்களுக்கு தமிழிசை அறிவுரை
‘கஜா புயல் நிவாரணப்பணியில் அதிமுக அமைச்சர்கள் சிறப்பாக செயல்படுவதாக சமீபத்தில் மதிமுக பொதுச்செயலாளர் வைகோ பாராட்டி தெரிவித்ததை சுட்டிக்காட்டிய தமிழக பாஜக தலைவர் தமிழிசை, வைகோவின் இந்த புகழ்ச்சியில் அதிமுக அமைச்சர்கள் ஏமாந்துவிட வேண்டாம் என அறிவுரை கூறியுள்ளார். இதனால் தமிழக அரசியலில் பெரும் பரப்ரப்பு ஏற்பட்டுள்ளது.
வைகோவின் மதிமுக, திருமாவளவனின் விடுதலைச்சிறுத்தைகள் ஆகிய கட்சிகள் தங்கள் கூட்டணியில் இப்போதுவரை இல்லை என்று திமுக பொருளாளர் துரைமுருகன் சமீபத்தில் பேட்டியளித்த விவகாரம் தமிழக அரசியலில் பெரும் அதிர்வலைகளை ஏற்படுத்தியது. இதனால் அதிமுக கூட்டணி பக்கம் சாயும் வகையில் வைகோ பேசியதாக அரசியல் நோக்கர்கள் தெரிவிக்கின்றனர்.
வைகோவின் இந்த திடீர் மாற்றம் குறித்த அதிமுக அமைச்சர்களுக்கு எச்சரிக்கை செய்த தமிழிசை, ‘அதிமுக அமைச்சர்களை பாராட்டும் அண்ணன் வைகோ…? அமைச்சர்களின் களப்பணி பாராட்டுக்குரியது என்றாலும் துரைமுருகனின் பதிலால் காயப்பட்ட வைகோவின் புகழுரையில் அதிமுக அமைச்சர்கள் எச்சரிக்கையாக இருக்க வேண்டும்’ என்று தனது டுவிட்டர் பக்கத்தில் கூறியுள்ளார்.
