புதுச்சேரியில் போக்குவரத்து திடீர் மாற்றம்: காரணம் என்ன?
புதுச்சேரியில் இன்று மாலை 6 மணி முதல் நாளை வாக்கு எண்ணிக்கை முடியும் வரை போக்குவரத்தில் ஒருசில மாற்றங்கள் ஏற்படுத்தியுள்ளதாக அறிவிக்கப்பட்டுள்ளது
இதன்படி புதுச்சேரி பாராளுமன்றம் மற்றும் தட்டாஞ்சாவடி தொகுதி இடைத்தேர்தலில் பதிவான வாக்குகள், நாளை எண்ணப்படுகிறது. இதனையடுத்து லாஸ்பேட்டை பகுதியில் போக்குவரத்து மாற்றம் செய்யப்பட்டு ஏர்போர்ட் சாலை மூடப்படுவதாகவும், நாவலர் நெடுஞ்செழியன் மேல்பள்ளி சாலை முதல் நாவற்குளம் சந்திப்பு வரையிலும், வள்ளலார் சாலையில் இருந்து உழவர்சந்தை வரையிலும் போக்குவரத்து தடை செய்யப்படுவதாகவும் அறிவிக்கப்பட்டுள்ளது.
இந்த போக்குவரத்து மாற்றத்தை வாகன ஓட்டிகள், பொதுமக்கள் ஏற்றுக்கொண்டு, மாற்றுபாதையை பயன்படுத்துமாறு போக்குவரத்து போலீசார்கள் கேட்டுக்கொண்டுள்ளனர்.
