புதுச்சேரியில் மதுவிலை திடீர் உயர்வு: குடிமகன்கள் அதிருப்தி
புதுச்சேரியில் கலால் வரி உயர்த்தப்பட்டுள்ளதால் அம்மாநிலத்தில் மதுவிலையும் உயர்கிறது.
புதுச்சேரி மாநிலத்தின் வருமானத்தை உயர்த்தும் வகைஅயில் அம்மாநில அரசு பல்வேறு நடவடிக்கைகளை எடுத்து வரும் நிலையில் நேற்று முதல் கலால்வரி உயர்த்தப்பட்டுள்ளது. இதனால் இனிமேல் புதுச்சேரியில் குவாட்டர் பாட்டில் ரூ.5, ஃபுல் பாட்டில்களுக்கு ரூ. 20 வரை உயர்கிறது,. இந்த திடீர் விலையேற்றத்தால் குடிமகன்கள் அதிருப்தி அடைந்துள்ளனர்.
குவாட்டர் பாட்டில் ரூ.5, ஃபுல் பாட்டில்களுக்கு ரூ. 20 வரை உயர்ந்தாலும் மற்ற மாநிலத்தில் விற்பனை செய்யப்படும் மதுவின் விலையை விட புதுச்சேரியில் விலை குறைவு என்பதால் விற்பனையில் பாதிப்பு இருக்காது என்றும் அதே நேரத்தில் அரசுக்கு கணிசமான வருமான உயர்வு ஏற்படும் என்றும் கூறப்படுகிறது.
