மன்மோகன் சிங் போல ஒரு பிரதமர் இல்லாததை இந்திய நாடு உணருகிறது; அவரது நேர்மை, கண்ணியம் மற்றும் அர்ப்பணிப்பு நம் அனைவருக்கும் உத்வேகம் என்று முன்னாள் பிரதமர் மன்மோகன் சிங்கிற்கு ராகுல் காந்தி பிறந்தநாள் வாழ்த்து தெரிவித்துள்ளார்.
முன்னாள் பிரதமர் மன்மோகன்சிங் இன்று தனது 89வது பிறந்த நாளை கொண்டாடி வருகிறார். அவருக்கு அனைத்து கட்சி தலைவர்களும் தங்களுடைய வாழ்த்துக்களை தெரிவித்து வருகின்றனர்.
இந்த நிலையில் காங்கிரஸ் எம்பி ராகுல்காந்தி அவருக்கு கூறிய வாழ்த்து செய்தியில் மன்மோகன் சிங் போல ஒரு பிரதமர் இல்லாததை இந்திய நாடு உணருகிறது; அவரது நேர்மை, கண்ணியம் மற்றும் அர்ப்பணிப்பு நம் அனைவருக்கும் உத்வேகம் என்றும் அவருக்கு தனது இனிய பிறந்த நாள் வாழ்த்துக்கள் என்றும் கூறியுள்ளார்.
