மீண்டும் மோடியே பிரதமராக வேண்டும்: பிரபல நடிகை
பாரத பிரதமராக மீண்டும் நரேந்திரமோடியே வரவேண்டும் என்று ஜெயம் ரவி நடித்த ‘தாம் தூம்’ என்ற தமிழ்ப்படத்திலும் ஏராளமான இந்தி படங்களிலும் நடித்த கங்கனா ரனாவத் கூறியுள்ளார். இதுகுறித்து அவர் மேலும் கூறியதாவது:
வரும் பாராளுமன்ற தேர்தலிலும் பிரதமர் நரேந்திர மோடி வெற்றிபெற வேண்டும் என நடிகை கங்கனா ரனாவத் தெரிவித்துள்ளார்.
நிகழ்ச்சியொன்றில் பங்கேற்றபின் செய்தியாளர்களிடம் பேசிய நடிகை கங்கனா ரனாவத், ஜனநாயகத்தின் சிறந்த தலைவராக பிரதமர் மோடி திகழ்வதாக குறிப்பிட்டார். அதல பாதாளத்தில் உள்ள நாட்டை முன்னேற்றப்பாதைக்கு அழைத்துச்செல்ல 5 ஆண்டுகள் போதாது என கூறிய கங்கனாரனாவத், 2019ஆம் ஆண்டு நடைபெறவுள்ள நாடாளுமன்ற தேர்தலிலும் வெற்றிபெற்று பிரதமர் பதவியில் மோடி நீடிக்க வேண்டும் என்றார்
பெற்றோர் உதவியுடன் அல்லாமல், கடுமையாக உழைத்ததன் காரணமாகவே பிரதமர் பதவிக்கு நரேந்திர மோடி வந்திருப்பதாகவும் நேரம் வரும்போது நாட்டு மக்களுக்கு சேவையாற்ற அரசியலில் ஈடுபடுவேன் என்றும் அவர் கூறியுள்ளார்.
