மெட்ரோ ரயிலில் பயணம் செய்தால் நூடுல்ஸ் இலவசம்
ஜப்பான் தலைநகர் டோக்கியோவில் உள்ள மெட்ரோ ரயிலில் காலை நேரத்தில் பயணம் செய்யும் பயணிகளுக்கு இலவசமாக நூடுல்ஸ் மற்றும் கடல் உணவு வழங்கப்படும் என டோக்கியோ மெட்ரோ ரயில்வே நிர்வாகம் அளித்துள்ளது
ஜப்பான் நாட்டின் டோக்கியோ நகரில் இயங்கிவரும் மெட்ரோ ரயில் சேவை பயணிகளைக் கவர சிறப்பு சலுகையை அறிவித்தது. இதன் படி வார நாட்களில் காலையில் நேரத்தில் பயணிக்கும்போது இலவசமாக நூடுல்ஸ் வாங்கிக்கொள்ளலாம்.
இந்த இலவச நூடுலஸ் பெற டோக்கியோ மெட்ரோ நிர்வாகம் அறிவித்துள்ள காலை நேர பயணத் திட்டத்தில் இணைய வேண்டும். அதற்கு இலவசமாக அளிக்கப்படும் டோக்கன் மூலம் மெட்ரோ ரயில் நிலையத்தில் உள்ள உணவு விற்பனை மையங்களில் இலவசமாக நூடுல்ஸ் வாங்கலாம். இந்த இலவசம் டொசாய் வழித்தடத்தில் இயங்கும் சுரங்க மெட்ரோ ரயிலில் பயணிப்பவர்களுக்குத்தான் பொருந்தும்.
