மெர்சல் தடை நீங்கியது: தடையில்லா சான்றிதழ் அளித்தது விலங்குகள் நல வாரியம்
இளையதளபதி விஜய் நடிப்பில் அட்லி இயக்கத்தில் ஸ்ரீதேனாண்டாள் பிலிம்ஸ் நிறுவனம் தயாரித்துள்ள ‘மெர்சல்’ திரைப்படத்திற்கு பல தடைகள் ஏற்பட்டு பின்னர் அவை தகர்க்கப்பட்ட நிலையில் கடைசி தடையாக இருந்த விலங்குகள் நலவாரிய தடையில்லா சான்றிதழும் தற்போது கிடைத்துவிட்டது.
‘மெர்சல்’ படத்தை பார்த்த விலங்குகள் நல வாரிய அதிகாரிகள் கூறிய சில மாற்றங்கள் படக்குழுவினர்களால் ஏற்கப்பட்டதால் சற்றுமுன் இந்த வாரியம் தடையில்லா சான்றிதழை அளித்துவிட்டது. எனவே இன்னும் சில நிமிடங்களில் சென்சார் சான்றிதழும் கிடைத்துவிடும் என்பது குறிப்பிடத்தக்கது
இந்த இனிப்பான தகவல் தற்போது இணையதளங்களில் பரவி வருவதால் விஜய் ரசிகர்கள் மெர்சலாகி உற்சாக கொண்டாட்டத்தில் ஈடுபட்டு வருகின்றனர்.
