மோடி அலை ஓய்ந்து மக்கள் அலை வீசுகிறது: பிரகாஷ்ராஜ்
எந்த தேர்தலிலும் இல்லாத அளவில் இந்த தேர்தலில் திரையுலகை சேர்ந்தவர்கள் அதிகம் போட்டியிடுவது போல தெரிகிறது அந்த வகையில் திரையுலகில் இருந்து போட்டியிடுபவர்களில் ஒருவரான நடிகர் பிரகாஷ்ராஜ் நேற்று பெங்களூரு மத்திய தொகுதியில் சுயேச்சை வேட்பாளராக வேட்புமனு தாக்கல் செய்தார்.
வேட்புமனு தாக்கல் செய்த பின்னர் செய்தியாளர்களுக்கு பேட்டியளித்த பிரகாஷ்ராஜ், ‘கர்நாடகா, தமிழகத்தில் மோடி அலை ஓய்ந்து மக்கள் அலை வீசுகிறது என்றும், நாட்டு மக்களின் மனநிலை மோடி அரசுக்கு எதிராக உள்ளது என்றும் கூறினார்.
மேலும் தமிழகத்தில் பாஜகவை சுமந்து செல்வதற்கு அதிமுக என்ன குதிரையா? என்று கேள்வி எழுப்பிய பிரகாஷ்ராஜ், பாஜகவுடன் கூட்டணி வைத்ததால் அதிமுகவின் வெற்றிக்கும் பாதிப்பு ஏற்படும் என்று தெரிவித்தார்.
