ரகுராம்ராஜன் தெளிவானவர். சுப்பிரமணிய சுவாமிக்கு பதிலடி கொடுத்த அருண்ஜெட்லி
இந்திய ரிசர்வ் வங்கியின் கவர்னர் ரகுராம் ராஜனை நீக்க வேண்டும் என பாஜக மூத்த தலைவர்களில் ஒருவரான சுப்பிரமணியன் சுவாமி தொடர்ந்து வலியுறுத்தி வரும் நிலையில் மத்திய அமைச்சர் அருண்ஜெட்லி, ரகுராம் ராஜனை பாராட்டியுள்ளது பெரும் பரபரப்பை ஏற்படுத்தியுள்ளது.
புதுடெல்லியில் நேற்று நடைபெற்ற நிகழ்ச்சி ஒன்றில் கலந்துகொண்டு பேசிய மத்திய நிதியமைச்சர் அருண்ஜெட்லி, “ரிசர்வ் வங்கி கவர்னர் ரகுராம் ராஜன் மிகவும் தெளிவானவர். நிதி அமைச்சகத்துக்கும் ரிசர்வ் வங்கிக்கும் இடையே துறை ரீதியாக வலுவான உறவு உள்ளது. அந்த உறவு மிகவும் முதிர்ச்சியானது.
எனவே இந்த இரு துறைகளுக்கும் இடையே ஏற்படும் சிறு சிறு கருத்து வேறுபாடுகள் குறித்து முறையாக கலந்தாலோசிக்கப்படும். தவிர, பரஸ்பரம் ஒருவரது கருத்துக்கு மற்றொரு தரப்பு மரியாதை கொடுக்கும்” என்று கூறியுள்ளார்
அருண்ஜெட்லியின் இந்த கருத்து சுப்பிரமணியன் சுவாமிக்கு கொடுத்த பதிலடியாகவே கருதப்படுகிறது.
