ரஜினி, கமல் ஆதரவு தேவையில்லை. விஷால்
சென்னை ஆர்.கே.நகர் இடைத்தேர்தலில் போட்டியிட இன்று நடிகர் விஷால் வேட்புமனு தாக்கல் செய்யவுள்ள நிலையில் அவருக்கு பின்னணியாக இருப்பது யார்? என்ற கேள்வி பலரிடம் எழுந்துள்ளது.
இதுகுறித்து பதிலளித்த விஷால் ‘நான் அரசியல்வாதி அல்ல, மக்கள் பிரதிநிதியாகவே ஆர்.கே.நகரில் போட்டியிடுகிறேன். எனக்கு பின்னால் யாரும் இல்லை, மேலும் எனக்கு ஆர்.கே.நகர் மக்கள் முழு ஆதரவு தருவார்கள், ரஜினி, கமல் உள்பட யாரிடமும் ஆதரவு கேட்க மாட்டேன்’ என்று கூறினார்.
விஷாலுக்கு பின்னால் கமல் இருப்பதாகவும் அரசியல் கட்சி ஆரம்பிக்கலாமா? வேண்டாமா? என்று ஆழம் பார்க்க விஷாலை கமல் களமிறக்கியுள்ளதாகவும் கூறப்பட்டு வரும் நிலையில் கமலிடம் ஆதரவு கேட்க மாட்டேன் என்று விஷால் கூறியிருப்பது புதிய திருப்பத்தை ஏற்படுத்தியுள்ளது.
