ரஜினி ஹீரோவா, ஜீரோவா? அமைச்சர் ஜெயகுமார்
நடிகர் ரஜினிகாந்த் நேற்று முன் தினம், மற்றும் நேற்று கொடுத்த இரண்டு பேட்டிகளில் ‘எந்த 7 பேர்’ மற்றும் ‘பத்து பலசாலிகள்’ ஆகியா கருத்து பெரும் பரபரப்பை ஏற்படுத்தி அரசியல்வாதிகளின் கடும் விமர்சனத்திற்கு உள்ளாகியுள்ளது. இந்த நிலையில் ரஜினியின் பேட்டி குறித்து அமைச்சர் ஜெயகுமார் கூறியதாவது:
ஏழு பேர் விடுதலை குறித்த கேள்விக்கு, நடிகர் ரஜினி அளித்த பதில், நெருஞ்சி முள் போன்றது; அவர், வேற்று கிரகத்தில் இருந்து வந்து விடவில்லை. அவரது கருத்தை, தமிழக மக்கள் ஏற்க மாட்டார்கள். இந்த பதிலை வைத்து, அரசியலில் ரஜினி ஹீரோவா, ஜீரோவா என்பதை, மக்கள் தீர்மானிப்பர்.
பா.ஜ.,வை பற்றி, ரஜினி நேற்று ஒரு மாதிரியாகவும், இன்று ஒரு மாதிரியாகவும் பேசுகிறார். மத்தியில், பா.ஜ., ஆட்சி நடத்துகிறது. எந்த கட்சி குறித்தும், நான் சான்றிதழ் அளிக்க முடியாது. எங்களை பொருத்தவரை, தமிழக உரிமைகளை விட்டு கொடுக்க மாட்டோம். மத்தியில் கூட்டாட்சி, மாநிலத்தில் சுயாட்சி என்ற அடிப்படையில் செயல்படுகிறோம். இவ்வாறு அவர் கூறினர்.
