வரலாறு காணாத புயல்-மழை: மிதக்கின்றது மொசாம்பிக் நாடு
வரலாறு காணாத புயல் மற்றும் கனமழையால் பாதிக்கப்பட்ட மொசாம்பிக் நாட்டில் சுமார் ஆயிரம் பேர் உயிரிழந்ததாகவும், 6 லட்சத்திற்கும் அதிகமான மக்கள் பாதிக்கப்பட்டுள்ளதாகவும் அந்நாட்டு செய்தி நிறுவங்கள் செய்தி வெளியிட்டுள்ளன.
கிழக்கு ஆப்பிரிக்க நாடான மொசாம்பிக்கின் துறைமுக நகரான பெய்ராவை ‘இடை’ என்ற புயல் கடந்த வியாழக்கிழமை மணிக்கு 177 கிலோ மீட்டர் வேகத்தில் தாக்கியது. இதனால் ஏராளமான வீடுகளின் மேற்கூரைகளும், சுற்றுச்சுவர்களும் இடிந்து விழுந்து கிடக்கின்றன.
மரங்கள், மின் கம்பங்கள் அனைத்தும் விழுந்துள்ளன. தொலைத்தொடர்பு கோபுரங்கள் சாய்ந்ததால் சேவை துண்டிக்கப்பட்டுள்ளன. பல இடங்களில் சாலை போக்குவரத்து முற்றிலும் துண்டிக்கப்பட்டுள்ளது. பாதிக்கப்பட்ட பகுதிளை ஆய்வு செய்த அதிபர் பிலிப் நையுசி, ஆறுகள் உள்ளிட்ட பல இடங்களில் சடலங்கள் மிதப்பதால், பலியானவர்கள் எண்ணிக்கை ஆயிரத்தை தாண்டும் என்று குறிப்பிட்டார்.
