அனுபவ அறிவை பயன்படுத்தி நற்பலன் பெறும் மேஷ ராசிக்காரர்களே!
இந்த வாரம், உங்கள் ராசிக்கு சுக்கிரன், புதன் ராகுவின் அமர்வு சிறப்பான இடங்களில் உள்ளது. முக்கியமான செயல் ஒன்றினை நிகழ்த்த முடியும் என்கிற நம்பிக்கை மலரும். புதியவர்களின் அன்பு, உதவி கிடைக்கும்.வீட்டின் தேவைகளை பெருமளவில் பூர்த்தி செய்வீர்கள். வாகன பயன்பாடு திருப்திகர அளவில் இருக்கும். புத்திரரின் எதிர்மறை சிந்தனையை நல்ல வழிகாட்டுதலால் சரி செய்வீர்கள்.கடந்த நாட்களில் எதிர்மனப்பாங்குடன் பேசியவரிடம் கருணையுடன் பழகுவீர்கள். இல்லறத்துணை உங்களின் அருமை, பெருமைகளை பாராட்டுவார். தொழில் வியாபாரத்தில் மாற்று உபாயம் பின்பற்றுவதால் வளர்ச்சி நிலை காணலாம். பணியாளர் பணியிடத்து சூழ்நிலை உணர்ந்து செயல்படவும். குடும்ப பெண்கள் கணவரின் அன்பு, தாராள பணவசதி கிடைத்து சந்தோஷ வாழ்வு நடத்துவர். மாணவர்கள் ஆசிரியரின் வழிகாட்டுதலை அக்கறையுடன் பின்பற்ற வேண்டும்.
பரிகாரம்: முருகப்பெருமானை வழிபடுவதுடன், அவரது பெயர் வைத்த ஏழைக் குழந்தைகளுக்கு உதவலாம்.
நடை, உடை, செயலால் பிறர் மனத்தை வசீகரிக்கும் ரிஷப ராசிக்காரர்களே!
இந்த வாரம், உங்கள் ராசிக்கு புதன், குரு, ராகு தவிர மற்ற கிரகங்கள் அளப்பரிய நற்பலன் வழங்குகின்றனர். பேசும் வார்த்தை இனியதாக அமைந்து, புதிய நன்மைகளை பெற்றுத்தரும். குடும்பத்தில் மங்கல நிகழ்வு அமைந்து மகிழ்ச்சிகரமான சூழ்நிலை இருக்கும். சிலர், புதிய வீடு, வாகனம் வாங்க நல்ல யோகம் உண்டு.புத்திரர் தன் எதிர்பார்ப்பு நிறைவேற தாமதம் ஆவதால் நண்பர்களிடம் மனக்கிலேசம் கொள்வர். உடல் நல ஆரோக்கியம் சீராக இருக்கும். இல்லறத்துணையின் வார்த்தைக்கு அதிக முக்கியத்துவம் தருவீர்கள். தொழிலில் புதியவர்களின் ஆதரவு கிடைத்து பணவரவு அதிகரிக்கும். பணியாளர் பொறுப்புணர்வுடன் பணிபுரிந்து நன்மதிப்பு, சலுகை பெறுவர். பெண்கள் உறவினர் குடும்பத்தில் மங்கல நிகழ்ச்சி சிறப்பாக நடைபெற உதவுவீர்கள். மாணவர்கள், படிப்பில் முன்னேற்றம் பெற தேவையான சில நன்மை உருவாகும்.
பரிகாரம்: பெருமாளை வழிபடுவதுடன், கற்கண்டு சாதம் நிவேதனம் செய்து, பக்தர்களுக்கு வழங்கலாம்.
சிறு நன்மையையும் பெரிதென கருதி மகிழும் மிதுன ராசிக்காரர்களே!
இந்த வாரம், உங்கள் ராசிக்கு சுக்கிரன், குரு, சந்திரன் அனுகூல பலன் தருகின்றனர். இடம், சூழ்நிலை உணர்ந்து எவரிடமும் பேசுவதால் சிரமம் வராமல் தவிர்க்கலாம்.குடும்பத் தேவைகளுக்கான பணச்செலவு அதிகரிக்கும். உடன் பிறந்தவர்களின் கருத்துக்கு மறுப்பு சொல்ல வேண்டாம். வீடு வாகன பாதுகாப்பில் கூடுதல் கவனம் வேண்டும். புத்திரரின் உடல் நலத்திற்கு மருத்துவ சிகிச்சை உதவும். வழக்கு விவகாரத்தில் தீர்வு கிடைக்க தாமதம் ஆகலாம். இல்லறத்துணை ஆறுதல் மனப்பாங்குடன் உதவுவார். தொழிலில் திட்டமிட்ட இலக்கை அடைய சலுகை வழங்குவீர்கள். பணியாளர் உடல் நலத்தில் கவனம் கொள்வதால் பணியில் ஈடுபாடு வளரும்.பெண்கள், பணச்செலவில் சிக்கனம் பின்பற்றுவது நல்லது.மாணவர்கள் நண்பரிடம் பேசுவதில் நிதானம் வேண்டும்.
பரிகாரம்: விநாயகரை வழிபடுவதுடன், கொழுக்கட்டை நிவேதனம் செய்து பக்தர்களுக்கு வழங்கலாம்
கருணை நிறைந்த மனதுடன் பிறருக்கு உதவும்கடக ராசிக்காரர்களே!
இந்த வாரம், உங்கள் ராசிக்கு சுக்கிரன், ராகுவின் அமர்வு மட்டுமே நற்பலன் தரும் வகையில் உள்ளது. மனதில் உருவாகும் குழப்பம் தீர உங்கள் நலம் விரும்புவரிடம் ஆலோசனை கேட்பது நன்மை தரும்.அலைச்சல், பயணம், செயல் நிறைவேறுவதில் தாமதம் உருவாகி வாழ்க்கைப் பாதையில் சில முடிவுகளை மேற்கொள்ள வைக்கும்.வாகனத்தில் மிதவேகம் பின்பற்றவும். புத்திரரை கண்காணிப்புடன் வழி நடத்துவது நல்லது. ஒவ்வாத உணவு வகை உண்ண வேண்டாம். இல்லறத்துணை தியாக மனதுடன் குடும்ப நலனில் அக்கறை கொள்வார். தொழில் வியாபாரம் சராசரி அளவில் இருக்கும். இயந்திர பிரிவு பணியாளர் பாதுகாப்பு நடைமுறையை தவறாமல் பின்பற்றவும். பெண்கள் தாய்வீட்டு உதவி கிடைத்து மகிழ்வர். மாணவர்கள் பாதுகாப்பு குறைவான இடங்களில் செல்லக்கூடாது.
பரிகாரம்: ஆடிப்பூர நன்னாளில் ஆண்டாளை வழிபடுவதுடன், கல்வி அறிவில் சிறந்த சிறுவர்களுக்கு பரிசு தரலாம்.
மன உறுதியுடன் செயல்புரிந்து அதிக நன்மை பெறும் சிம்ம ராசிக்காரர்களே!
இந்த வாரம் உங்கள் ராசிக்கு சனி, செவ்வாய், சுக்கிரனின் அமர்வு சிறப்பான பலன் தருகிற இடங்களில் உள்ளது. இஷ்ட தெய்வ அருள் பலத்துடன் முருகப்பெருமானின் நல்லருளும் உங்களின் செயல் நிறைவேற துணை நிற்கும். எண்ணத்திலும், செயலிலும் உறுதி ஏற்படும். அனுபவ அறிவை பயன்படுத்துவீர்கள். அக்கம் பக்கத்தவர் கூடுதல் அன்பு பாராட்டுவர். புத்திரர் விரும்பிய பொருள் வாங்கித் தருவீர்கள். பணப்பரிவர்த்தனை திருப்திகரமாகி சேமிப்பு கூடும். இல்லறத்துணை வழி சார்ந்த உறவினர் கேட்ட உதவியை வழங்குவீர்கள். தொழில், வியாபாரத்தில் குறைகளை சரி செய்து, முன்னேற்றம் காண்பீர்கள். பணியாளர்கள், கூடுதல் வேலைவாய்ப்பு, பணவரவு பெறுவர். பெண்கள், குடும்ப பணவசதிக்கேற்ப புத்தாடை, அணிகலன் வாங்குவர். மாணவர்கள், ஒருமுகத்தன்மையுடன் படித்து, பாராட்டு, பரிசு பெறுவர்.
பரிகாரம்: அன்னை மீனாட்சியை வழிபடுவதுடன், ஆதரவற்ற தாய்மார்களுக்கு உதவலாம்.
இயற்கையின் அழகை ஆராதிக்கும் ரசனை மிகுந்த கன்னி ராசிக்காரர்களே!
இந்த வாரம், உங்கள் ராசிக்கு சூரியன், புதன், குருவின் அமர்வு ஆதாய பலன் தரும் வகையில் உள்ளது. உங்கள் சொல்லுக்கு வரவேற்பு இருக்கிற தருணங்களில் எவரிடமும் சகஜமாக பேசுவது நல்லது. வாகன பயன்பாடு சராசரி அளவில் இருக்கும். சிலர் வீடு, பணியிட மாற்றம் எதிர்கொள்கிற நிலைமை ஏற்படலாம். புத்திரர் செயல்திறன் வளர்த்து, படிப்பு, வேலைவாய்ப்பில் முன்னேற்றம் காண்பர். எதிர்மனப்பாங்கு உள்ளவரிடம் விலகுவதால், சிரமம் தவிர்க்கலாம். இல்லறத்துணையின் மனதில் உங்கள் மீதான நல்லெண்ணம் வளரும் வகையில் நடந்து கொள்ள வேண்டும். தொழில், வியாபாரத்தில் வளர்ச்சி பெற தேவையான அரசு உதவி பெறலாம். பணியாளருக்கு எதிர்பார்த்த சலுகை கிடைக்கும். பெண்கள், உறவினர் குடும்ப விவகாரங்களில் கருத்து சொல்ல வேண்டாம். மாணவர்கள், அக்கறையுடன் படித்து, சிறந்த தேர்ச்சி விகிதம் பெறுவர்.
பரிகாரம்: நாக தேவதையை வழிபடுவதுடன், காப்பகத்தில் உணவுப் பொருள் வழங்கலாம்.
நியாயம், தர்மம் இரு கண்கள் என, போற்றும் துலாம் ராசிக்காரர்களே!
இந்த வாரம் உங்கள் ராசிக்கு கேது, சுக்கிரன், சூரியன், புதனின் அமர்வு சிறப்பான இடங்களில் உள்ளது. புதிய விஷயங்களை அறிவதில் ஆர்வம் கொள்வீர்கள். உதவி செய்ய தயங்கிய உறவினர் மனமுவந்து உதவுவர். பிரார்த்தனை நிறைவேறி தெய்வ வழிபாடு நடத்துவீர்கள். குடும்பத்தில் மகிழ்ச்சி நிறைந்திருக்கும். புத்திரர் செயலில் நிதானம் பின்பற்ற வலியுறுத்துவது அவசியம். இல்லறத்துணையுடன் விருந்து, விழாவுக்கு சென்று வருவீர்கள். தொழில், வியாபாரம் வளர்ச்சி பெற புதிய திட்டத்தை செயல்படுத்துவீர்கள். பணியாளர், சக பணியாளரின் உதவியால் நன்மை பெறுவர். பெண்கள், குடும்பத்தின் பணவரவுக்கேற்ப வீட்டு உபயோகப் பொருள் வாங்குவர். மாணவர்கள், படிப்புக்கு உதவாத விஷயங்களில் கவனம் கொள்ள வேண்டாம்.
பரிகாரம்: தட்சிணாமூர்த்தியை வழிபடுவதுடன், கொண்டைக் கடலை தானம் செய்யலாம்
வாழ்வில் உயர்நெறிகளை பின்பற்றுகின்ற விருச்சிக ராசிக்காரர்களே!
இந்த வாரம், உங்கள் ராசிக்கு சுக்கிரன், குரு, ராகுவின் அமர்வு சிறப்பான பலன் தரும் வகையில் உள்ளது. உடல்நல ஆரோக்கியம் சரி வர பாதுகாத்து பணிகளில் ஆர்வமுடன் ஈடுபடுவீர்கள். பேச்சும், செயலும் பிறர் மனம் கவர்ந்து நன்மை பெற்றுத்தரும். உடன்பிறந்தவர்களுக்கு ஓரளவு உதவுவீர்கள். வீடு, வாகனத்தில் கூடுதல் பாதுகாப்பு பின்பற்றவும். புத்திரரின் செயல் சிரமம் தராத அளவுக்கு கண்காணிப்புடன் வழி நடத்துவது நல்லது. எதிரி சொந்த சிரமங்களால் விலகுவர். இல்லறத்துணை கருத்து ஒற்றுமையுடன் நடந்து கொள்வார். தொழில், வியாபாரத்தில் வருகிற இடையூறை தாமதமின்றி சரி செய்ய வேண்டும். பணியாளர் தாழ்வு மனப்பான்மை அகற்றுவதால், பணி சிறப்பாக நிறைவேறும். பெண்கள், குடும்ப உறுப்பினர்களின் எண்ணம் நிறைவேற்றுவதில் தனி கவனம் கொள்வீர்கள். மாணவர்கள், வெளியிடம் சுற்றுவதை குறைப்பதால் படிப்பில் ஒருமுகத் தன்மை ஏற்படும்.
பரிகாரம்: அங்காள பரமேஸ்வரியை வழிபடுவதுடன், பழ வகைகள் படையல் செய்து, பக்தர்களுக்கு வழங்கலாம்.
சுறுசுறுப்பாக செயல்புரிவதில் விருப்பமுள்ள தனுசு ராசிக்காரர்களே!
இந்த வாரம், உங்கள் ராசிக்கு புதன், சனி, செவ்வாய் கிரகங்களின் அமர்வு சிறப்பான வகையில் உள்ளது. எண்ணம், செயலில் புதிய மாற்றம் பின்பற்றுவீர்கள். நிலுவைப்பணம், எளிய முயற்சியால் வந்து சேரும். உடன்பிறந்தவர்களின் உதவி, மனதில் உற்சாகம் தரும். வாகன பராமரிப்பு மேற்கொள்வதால், பயணம் எளிதாகும். புத்திரர் படிப்பு, வேலை வாய்ப்பில் இலக்கை நோக்கி முன்னேற்றம் காண்பர். காலமுறை உணவுப் பழக்கம், சீரான ஓய்வு உடல்நலம் பாதுகாக்கும். இல்லறத்துணையின் மனவருத்தம் தீரும் வகையில் நடப்பது, ஒற்றுமை வளர உதவும். தொழில், வியாபாரத்தில் முழு ஈடுபாடு கொள்வீர்கள். பணியாளர் ஆர்வமிகு செயலால், பாராட்டு, வெகுமதி பெறுவர். பெண்கள், நகை பாதுகாப்பில் தகுந்த கவனம் வேண்டும். மாணவர்கள், சாகச விளையாட்டுக்களில் ஈடுபட வேண்டாம்.
சந்திராஷ்டமம்: 26.7.14 நள்ளிரவு 12:01 மணி முதல்28.7.14 இரவு 9:34 மணி வரை
பரிகாரம்: சனி பகவானை வழிபடுவதுடன், காகத்திற்கு தயிர், எள் கலந்த சாதம் வைக்கலாம்.
தன்னைப்போல பிறரும் நல்வழியில் செயல்பட உதவும் மகர ராசிக்காரர்களே!
இந்த வாரம், உங்கள் ராசிக்கு கேது, உச்சம் பெற்ற குரு மற்றும் சந்திரன் நற்பலன் தருவர். கெஜகேசரி யோகபலன் சிறப்பாக உருவாகி, வாழ்வில் அதிக செல்வவளம் தரும். முக்கிய பிரார்த்தனை நிறைவேறி, இஷ்டதெய்வ வழிபாடு சிறப்பாக நடத்துவீர்கள். உடன் பிறந்தவரின் நற்செயல், பெருமை தேடித்தரும். வீடு, வாகனம் மாற்றுகிற முயற்சியில் உரிய பரிசீலனை வேண்டும். புத்திரரை வழிநடத்துவதில், நிதானம் பின்பற்றவும். இல்லறத்துணை புரிதல் தன்மையில் குறை ஏற்படலாம். தொழில், வியாபார நடைமுறை சிறக்க, மாற்று உபாயம் தேவைப்படும். பணியாளர், பணியிடத்தில் விவாதம் பேசுவது தவிர்க்கவும். குடும்ப பெண்கள், பணவரவுக்கேற்ப செலவு செய்வர். மாணவர்கள், படிப்பில் உருவாகிற சந்தேகம் நிவர்த்தி செய்வதில் கவனம் கொள்வீர்கள்.
சந்திராஷ்டமம்: 28.7.14 இரவு 9:35 மணி முதல்31.7.14 காலை 8:48 மணி வரை
பரிகாரம்: ஆஞ்சநேயரை வழிபடுவதுடன், வடை மாலை சாற்றி, பக்தர்களுக்கு பிரசாதம் வழங்கலாம்.
துவங்கும் செயலை மனப்பூர்வமாக நிறைவேற்றும் கும்ப ராசிக்காரர்களே!
இந்த வாரம், உங்கள் ராசிக்கு சுக்கிரன், புதன், சூரியனின் அமர்வு சிறப்பாக உள்ளது. சுய கவுரவம், திறமையை பேணிக்காப்பதில் அக்கறை கொள்வீர்கள். குடும்பத்தில் ஒற்றுமையும், மங்கல நிகழ்வும் ஏற்படும். உடன் பிறந்தவர் சொல்லும் மனக்குறையை, கனிவுடன் சரிசெய்வீர்கள். தாயின் அன்பு, ஆசி மனதில் ஊக்கம் தரும். மகளின் ஜாதக யோக பலம், சில நன்மை பெற்றுத்தரும். பணக்கடனில் ஒருபகுதி செலுத்துவீர்கள். இல்லறத்துணை குடும்ப நலன் காத்திடுவார். தொழில், வியாபாரத்தில் சராசரி உற்பத்தி, விற்பனை இருக்கும். பணியாளர் கடமை உணர்வுடன் செயல்படுவீர்கள். பெண்கள், தாய்வீட்டு உதவி கிடைத்து பெருமிதம் கொள்வர். மாணவர்கள், படிப்பில் முன்னேற்றம் காண்பர்.
சந்திராஷ்டமம்: 31.7.14 காலை 8:49 மணி முதல்2.8.14 மாலை 6:16 மணி வரை
பரிகாரம்: துர்க்கை அம்மனை வழிபடுவதுடன், ஏழைப் பெண்ணின் திருமணத்திற்காக பணம் கொடுத்து உதவலாம்.
கடின உழைப்பால், வாழ்வில் முன்னேற்றம் காணும் மீன ராசிக்காரர்களே!
இந்தவாரம், உங்கள் ராசிக்கு அசுரகுரு சுக்கிரன், தேவகுரு வியாழன் மற்றும் சந்திரன் நற்பலன் தருவர். பூர்வ ஜென்ம நற்செயலுக்கான பலன், முக்கிய செயல் நிறைவேற துணை நிற்கும். சிலரது பேச்சு, மனதில் வெறுப்பை உருவாக்கலாம். பொறுமை குணம் பின்பற்றுவதால் மட்டுமே நல்ல பெயரை பாதுகாக்கலாம். வாகனத்தில் மிதவேகம் பின்பற்றவும். உடல்நலத்திற்கு சிறுஅளவில் மருத்துவ சிகிச்சை தேவைப்படலாம். புத்திரர் சுதந்திரமாக செயல்பட விரும்புவர். இல்லறத்துணை, உங்களின் கவுரவம் சிறக்க ஆலோசனை சொல்வார். தொழில், வியாபாரம் வளர்ச்சி பெற, அக்கறையுடன் பணிபுரிவீர்கள். பணியாளர், உத்தியோகஸ்தரின் வழிகாட்டுதலை அக்கறையுடன் பின்பற்றுவர். பெண்கள், பணச் செலவில் சிக்கனம் மேற்கொள்வர். மாணவர்கள், படிப்பில் முன்னேற்றம் பெற அனுகூலம் உண்டு.
சந்திராஷ்டமம்: 2.8.14 மாலை 6:17 மணி முதல் அன்று நாள் முழுவதும்.
பரிகாரம்: கிருஷ்ணரை வழிபடுவதுடன், இனிப்பு பதார்த்தம் படையல் செய்து, பிரசாதம் வழங்கலாம்.
