விக்ரம் நடிக்கும் அடுத்த படத்தின் பூஜை. சென்னையில் இன்று நடைபெற்றது.
விஜய்மில்டன் இயக்கத்தில் விக்ரம் நடித்த ’10 எண்றதுக்குள்ள’ படத்தை அடுத்து விக்ரமின் அடுத்த படத்தின் இன்று பூஜை போடப்பட்டது. சென்னையில் மிகச்சிறப்பாக நடைபெற்ற இந்த பூஜையில் விக்ரம், இயக்குனர் ஆனந்த சங்கர், தயாரிப்பாளர் ஷிபுதமீன் உள்பட பலர் கலந்து கொண்டனர்.
இந்த படத்தின் படப்பிடிப்பு வரும் ஜனவரி முதல் தொடங்கவுள்ளதாகவும் படத்தின் பெரும்பாலான காட்சிகள் மலேசியாவில் படமாக்க திட்டமிடப்பட்டுள்ளதாகவும் படக்குழுவினர் தெரிவித்துள்ளனர்.
நாளை மார்கழி பிறப்பதால் அடுத்த ஒரு மாதத்திற்கு எந்த படத்தின் பூஜையும் நடைபெறாது என்பதால் இன்று இந்த படத்தின் பூஜை அவசர அவசரமாக ஏற்பாடு செய்யப்பட்டதாக கூறப்படுகிறது.
முதன்முதலாக விக்ரம் ஜோடியாக நயன்தாரா நடிக்கும் இந்த படத்தில் நடிக்கும் மற்ற நடிகர், நடிகைகள் மற்றும் தொழில்நுட்ப கலைஞர்களின் தேர்வு நடைபெற்று வருவதாகவும் விரைவில் இதுகுறித்த அதிகாரபூர்வ அறிவிப்பு வெளிவரும் என்றும் கூறப்படுகிறது.
English Summary: Chiyaan52 movie pooja happened today
