விக்ரம் லேண்டர் சிக்னலை இயேசு துண்டித்தாரா? இது என்னடா புதுக்கதை?
விக்ரம்லேண்டர் சிக்னலை இயேசு துண்டித்ததாக பால் தினகரன் கூறியதாக டுவிட்டர் மற்றும் ஃபேஸ்புக் பக்கங்களில் ஒரு செய்தி பரவி வருகின்றது. பால் தினகரன் இவ்வாறு கூறியது உண்மையா? அல்லது சிலர் வேண்டுமென்றே பால் தினகரன் மீது அவதூறு பரப்புவதற்காக இவ்வாறு ஒரு தகவலை பரப்புகின்றார்களா? என்று தெரியவில்லை
இந்தியாவில் பல மதங்கள் கொண்ட மக்கள் வாழ்ந்து கொண்டிருந்தாலும் இந்தியா என்று வரும்போது அனைத்து மத மக்களும் ஒற்றுமையாக இருப்பதை நாம் பலமுறை பார்த்திருக்கின்றோம். அந்த வகையில் விக்ரம்லேண்டரிடம் இருந்து மீண்டும் சிக்னல் கிடைக்க வேண்டும் என்று கோடிக்கணக்கான இந்தியர்கள் ஜாதி, மத, இன வேறுபாடு இன்றி பிரார்த்தனை செய்து வருகின்றனர்
இந்த நிலையில் ஒரு குறிப்பிட்ட மதத்தையும் மத சம்பந்தப்பட்டவர்களை குறிப்பிட்டு யாரும் வதந்தியை பரப்ப வேண்டாம் என்பதே அனைவரின் கோரிக்கையாக உள்ளது.
