விஜய் ஆண்டனியின் அடுத்த படத்தில் முக்கிய வேடத்தில் சங்கீதா
விஜய் ஆண்டனி, ரம்யா நம்பீசன் நடிப்பில் பாபுயோகேஸ்வரன் இயக்கி வரும் திரைப்படம் ‘தமிழரசன்’. இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தில் தற்போது நடிகை சங்கீதா இணைந்துள்ளார்.
தேசிய விருது பெற்ற இயக்குனர் பாலா பட நாயகிகளில் ஒருவரான சங்கீதா இந்த படத்தில் முக்கிய வேடத்தில் நடித்து வருவதாகவும், இந்த படம் வெளிவந்தவுடன் மீண்டும் சங்கீதா, தமிழ்த்திரையுலகில் ஒரு சுற்று வருவார் என்றும் இயக்குனர் தெரிவித்துள்ளார்.
விஜய் ஆண்டனிக்கு முதல்முறையாக ஜோடியாக ரம்யா நம்பீசன் நடித்து வரும் இந்த படத்தில் சுரேஷ் கோபி, சென்றாயன், ராதாரவி, சோனு சூட், சாயாசிங், கஸ்தூரி உள்பட பலர் நடித்து வருகின்றனர். இசைஞானி இளையராஜா இந்த படத்திற்கு இசையமைத்து வருகிறார்.
