வெறிச்சோடிய அண்ணா அறிவாலயம்: காவேரியில் குவியும் தொண்டர்கள்
திமுக தலைவர் கருணாநிதி சென்னை ஆழ்வார்ப்பேட்டையில் உள்ள காவேரி மருத்துவமனையில் சிகிச்சை பெற்று வரும் நிலையில், திமுகவின் தலைமை அலுவலகமான அறிவாலயம் தொண்டர்கள் நடமாட்டம் இன்றி வெறிச்சோடி காணப்படுகிறது.
திமுக செயல் தலைவர் மு.அக்.அஸ்டாலின், தினமும் காலையில் அறிவாலயம் வந்து, கட்சி நிர்வாகிகளுடன் ஆலோசனை செய்வது வழக்கம். இதனால், மாநிலம் முழுவதும் இருந்து நிர்வாகிகள் வருகையால் அறிவாலயம் பரபரப்பாக காணப்படும். கருணாநிதியையும் அவ்வப்போது ஸ்டாலின் அழைத்து வருவார். கடந்த மார்ச் 18ஆம் தேதியன்று கருணாநிதி வந்திருந்தார்.
தற்போது, கருணாநிதியின் உடல்நிலை காரணமாக, அண்ணா அறிவாலயத்தில் தொண்டர்கள் வருகையின்றி வெறிச்சோடி காணப்படுகிறது. ஆனால் அதே நேரத்தில் காவேரி மருத்துவமனை முன் தொண்டர்கள் கூட்டம் அதிகரித்து கொண்டே வருகிறது.
