வெற்றி பெற்ற ஆம் ஆத்மி எம்.எல்.ஏ மீது துப்பாக்கி சூடு: டெல்லியில் பரபரப்பு
டெல்லியில் சமீபத்தில் நடைபெற்ற சட்டமன்ற தேர்தலில் பதிவான வாக்குகள் நேற்று எண்ணப்பட்டன என்பதும் அதில் ஆம் ஆத்மி அபாரமாக வெற்றி பெற்றது என்பதும் தெரிந்ததே
இந்த நிலையில் ஆம் ஆத்மி கட்சியின் வேட்பாளர் நரேஷ் யாதவ் மெஹ்ராலி தொகுதியில் போட்டியிட்டு வெற்றி பெற்றார். அவர் தனது வெற்றியை கொண்டாடிக் கொண்டிருக்கும் போது திடீரென மர்ம நபர்கள் ஒருவர் அவரை நோக்கி துப்பாக்கியால் சுட்டதால் பெரும் பரபரப்பு ஏற்பட்டது.
இந்த துப்பாக்கி சூடு சம்பவத்தில் எம்எல்ஏ நரேஷ் யாதவ் அதிர்ஷ்டவசமாக உயிர் தப்பித்தாலும் அவரது கட்சித் தொண்டர் ஒருவர் பரிதாபமாக பலியானார். இதனால் ஆம் ஆத்மி தொண்டர்கள் அதிர்ச்சியடைந்துள்ளனர். தலைநகர் டெல்லியில் ஒரு எம்எல்ஏ உயிருக்கு பாதுகாப்பு இல்லை என்றால் என்ன செய்வது என்று ஆம் ஆத்மி கட்சியினர் கேள்வி எழுப்பியுள்ளார். இதுகுறித்து போலீசார் வழக்குப்பதிவு செய்து விசாரணை செய்து வருகின்றனர் என்பது குறிப்பிடத்தக்கது
