வெளிநாட்டு மொழிக் கல்வி: விண்ணப்பிக்க கால அவகாசம்
பெங்களூரு பல்கலைக்கழகம் வழங்கும் வெளிநாட்டு மொழிகளில் சான்றிதழ், பட்டயம் மற்றும் உயர் பட்டயப் படிப்புகளுக்கு விண்ணப்பிக்க கால அவகாசம் வழங்கப்பட்டுள்ளது.
இதுகுறித்து பெங்களூரு பல்கலைக்கழகம் வெளியிட்ட செய்திக் குறிப்பு:
பெங்களூரு பல்கலைக்கழகத்தின் வெளிநாட்டு மொழிகள் துறை சார்பில் பிரெஞ்சு, ஜெர்மனியம், ஜப்பானியம், இத்தாலியம், ஸ்பானிஷ், கொரியன், சீனம், போர்த்துகீசியம், ரஷ்யன், ஃபின்னிஷ் மொழிகளுக்கு 2016-17-ஆம் கல்வியாண்டில் சான்றிதழ், பட்டயம், உயர் பட்டயப் படிப்புகள் வழங்கப்படுகின்றன.
இந்த படிப்புகளில் சேருவதற்கான மாணவர் சேர்க்கை ஜூன் 10 முதல் ஜூலை 10-ஆம் தேதி வரை நடைபெற்றது.
மேலும் சில இடங்கள் காலி இருப்பதால், அந்த இடங்களில் சேருவதற்கு அபராதத்துடன் விண்ணப்பிக்கும் காலக்கெடு ஜூலை 23-க்குப் பதிலாக ஜூலை 27-ஆம் தேதி வரை நீட்டிக்கப்பட்டுள்ளது.
முதலில் வருவோருக்கு முதலில் என்ற அடிப்படையில் மாணவர் சேர்க்கை நடைபெறும். 2-ஆம் வகுப்பு பியூசி அல்லது 12-ஆம் வகுப்பு தேர்ச்சி பெற்றவர்கள் இந்த படிப்புக்கு விண்ணப்பிக்கலாம்.
மேலும் விவரங்களுக்கு 080-22961280,9845489267 என்ற தொலைபேசி எண்ணில் அழைக்கலாம் என்று அதில் கூறப்பட்டுள்ளது.
