ஷார்ஜாவில் முதல்முதலாக நடைபெறும் 10 ஓவர்கள் கிரிக்கெட் போட்டி
கிரிக்கெட் போட்டியை ஒலிம்பிக்கில் இணைக்க வேண்டுமென்றால் அந்த போட்டி ஒன்றரை மணி நேரத்தில் முடிய வேண்டும் என்ற கோரிக்கை வைக்கப்பட்ட நிலையில் வீரர்களை பழக்குவதற்காக 10 ஓவர்கள் கொண்ட போட்டித்தொடர் ஒன்று நேற்று முதல் ஆரம்பமாகியுள்ளது.
ஷார்ஜாவில் நடைபெறும் இந்த பத்து ஓவர்கள் கிரிக்கெட் லீக் போட்டியில் நேற்று நடைபெற்ற முதல் நாள் முதல் போட்டியில் மரதா அரேபியன்ஸ், கேரளா கிங்ஸ், பாக்டூன்ஸ், பஞ்சாபி லிஜென்ட்ஸ், டீம் ஸ்ரீலங்கா, பெங்கால் டைகர்ஸ் ஆகிய 6 அணிகள் பங்கேற்கின்றன.
நேற்றைய முதல் போட்டியில் கேரள மற்றும் பெங்கால் அணிகள் மோதின. இதில் முதலில் பேட்டிங் செய்த பெங்கால் அணி, 10 ஓவர்களில் ஒரு விக்கெட் இழப்பிற்கு 86 ரன்கள் எடுத்தது. அதன்பின்னர் விளையாடிய கேரள அணி 8 ஓவர்களில் 2 விக்கெட்டுக்களை இழந்து 90 ரன்கள் அடித்து வெற்றி பெற்றது.
இதன்பின்னர் நடைபெற்ற இரண்டாவது ஆட்டத்தில் மரதா அரேபியன்ஸ் மற்றும் பாக்டூன்ஸ் அணிகள் மோதின. இந்த போட்டியில் 25 ரன்கள் வித்தியாசத்தில் பாக்டூன்ஸ் அணி வெற்றி பெற்றது. இந்த போட்டியில் மரதா அணியின் கேப்டன் சேவாக் தான் சந்தித்த முதல் பந்திலேயே அவுட் ஆனார் என்பது குறிப்பிடத்தக்கது.
