உலகக்கோப்பை 20 ஓவர்கள் கிரிக்கெட் போட்டி தொடங்கும் நாள் அறிவிப்பு
கிரிக்கெட் ரசிகர்கள் மிக ஆவலுடன் எதிர்பார்த்து காத்திருக்கும் உலகக்கோப்பை 20-20 போட்டி நடைபெறும் தேதி அறிவிக்கப்பட்டுள்ளது. வரும் 2016ஆம் ஆண்டு மார்ச் மாதம் 11ஆம் தேதி தொடங்கவுள்ள இந்த போட்டிகள் ஏப்ரல் 3ஆம் தேதி வரை நடைபெறவுள்ளது.
உலககோப்பை போட்டியின் அமைப்பு குழு கூட்டம் டெல்லியில் நேற்று நடைபெற்றது. இந்தப்போட்டி பெங்களூர், சென்னை, மும்பை, தர்மசாலா, புதுடெல்லி, மொகாலி, நாக்பூர் ஆகிய 7 இடங்களில் நடத்தவும், இறுதி போட்டியை கொல்கத்தாவில் நடத்தவும் கடந்த ஜூலை மாதம் அறிவிக்கப்பட்டது .
ஆனால் சென்னையில் 3 கேலரிகள் விவகாரம், டெல்லியில் சேவை வரி பாக்கி மற்றும் ஊழல் பிரச்சினையும் இருப்பதால் இந்த நகரங்களில் போட்டிகள் நடத்தப்படுமா? என்பது குறித்து இந்த கூட்டத்தில் ஆலோசனை செய்யப்படுகிறது.
ஒருவேளை சென்னை, டெல்லி ஆகிய 2 இடங்களை நீக்கப்பட்டால் அதற்கு அடுத்த நிலையில் ஐதராபாத், ராஞ்சி, புனே ஆகிய நகரங்கள் முன்னிலையில் உள்ளன. இந்த 3 இடங்களில் இரண்டு மைதானங்கள் தேர்வு செய்யப்படலாம் என்று தெரிகிறது.
