இன்று அதிகாலை முதல் அக்னிபாத் திட்டத்திற்கு எதிர்ப்பு தெரிவித்து சென்னை தலைமைச் செயலகம் அருகே இளைஞர்கள் போராட்டத்தில் ஈடுபட்டுள்ளனர்.
மத்திய அரசின் அக்னிபாத் திட்டத்திற்கு முதல்முதலில் பீகாரில் போராட்டம் தொடங்கப்பட்டு தற்போது 10க்கும் மேற்பட்ட மாநிலங்களில் நடந்து வருகிறது.
இந்நிலையில், இன்று காலை சென்னை தலைமைச் செயலகம் அருகே கூடிய இளைஞர்கள் போராட்டத்தில் ஈடுபட்டு வருகின்றனர்.
ராணுவத்தில் சேருவதற்கு விண்ணப்பித்திருந்த சென்னை, ஆரணி, கோவை, திருவண்ணாமலை சேர்ந்த சுமார் 200க்கும் மேற்பட்ட இளைஞர்கள் போர் நினைவுச் சின்னம் அருகே இன்று அதிகாலை திடீர் போராட்டத்தில் குதித்தனர்.
