ஒரே நாளில் 250 பேர் பலி: இத்தாலியில் தலைவிரித்தாடும் கொரோனா
சீனாவில் தொடங்கிய கொரோனா, உலகம் முழுவதும் பரவி உயிரிழப்புகளை ஏற்படுத்தி வரும் நிலையில் சீனாவை அடுத்து இத்தாலியில் தான் மிக அதிக அளவிலான உயிர் இழப்புகளை கொரோனா ஏற்படுத்தி வருகிறது
கொரோனா வைரஸ் ஆரம்பித்த சீனாவில் கூட தற்போது கொரோனா கட்டுப்படுத்தப்பட்டு, ஓரிரண்டு உயிர்கள் மட்டும் பலியாகிவருகிறார்கள். ஆனால் இத்தாலியில் கொரோனா வைரஸ் தலைவிரித்தாடி தினந்தோறும் நூற்றுக்கணக்கான பலியாக்கி வருகிறது.
இந்த நிலையில் நேற்று ஒரே நாளில் மட்டும் இத்தாலியில் கொரோனாவால் 250 பேர் உயிரிழந்துள்ளதாக வெளிவந்துள்ள செய்தி பெரும் அதிர்ச்சியை ஏற்படுத்தியுள்ளது. இத்தாலி முழுவதும் கொரோனா வைரஸால் தாக்கப்பட்ட நகரங்களில் சீல் வைக்கப்பட்டு தகுந்த முன்னெச்சரிக்கை பாதுகாப்பு ஏற்பாடுகளை செய்தபோதிலும் உயிரிழப்புகளை குறைக்க முடியாமல் அந்நாட்டு அரசு திணறி வருகிறது என்பது குறிப்பிடத்தக்கது
