2ஜியின் ரூ.10 ஆயிரம் கோடி லஞ்சப்பணம், சென்னையில் இருந்து சுவிட்சர்லாந்து சென்றதா?

2ஜியின் ரூ.10 ஆயிரம் கோடி லஞ்சப்பணம், சென்னையில் இருந்து சுவிட்சர்லாந்து சென்றதா?

இந்தியாவின் மிகப்பெரிய ஊழல் என்று வர்ணிக்கப்பட்ட 2ஜி ஊழலில் பெற்ற ரூ.10 ஆயிரம் கோடி ரூபாய் பணம், சென்னையில் இருந்து சுவிட்சர்லாந்து நாட்டிற்கு நூதனமான முறையில் கடத்தப்பட்டதாக திடுக்கிடும் தகவல் வெளிவந்துள்ளது. இதனால் பெரும் பரபரப்பு ஏற்பட்டுள்ளது.

இந்தியாவையே அதிர்ச்சிக்குள்ளாக்கிய 2ஜி ஊழலில் பெறப்பட்ட லஞ்சப்பணத்தில் 10 ஆயிரம் கோடி ரூபாயை சென்னையிலிருந்து சுவிட்சர்லாந்துக்கு கப்பல் மூலம் கடத்தப்பட்டதாக கூறப்படுகிறது.

ரூ.5,395 கோடி ஹவாலா மோசடி தொடர்பாக அண்மையில் கைது செய்யப்பட்ட அப்ரோஸ் பத்தா மற்றும் மதன்லால் ஜெயின் ஆகிய இரு வைர வியாபாரிகள்களிடம் நடத்தப்பட்ட தீவிர விசாரணையில் இந்த அதிர்ச்சி தகவல்கள் கிடைத்துள்ளதாக கூறப்படுகிறது.

துபாய் நாட்டில் ‘மாப்ரோக் டிரேடிங்’ என்ற பெயரில் வைர வியாபாரம் செய்து வரும் மணிஷ் ஷா என்பவருக்கும் இந்த பணக்கடத்தலில் தொடர்பு இருப்பது தெரிய வந்ததாகவும், வைர வியாபாரம் பெயரில் இந்த பணமாற்றம் நடந்துள்ளதாகவும் விசாரணையில் தெரிய வந்தது.

2ஜி ஊழல் பணம் சட்டவிரோதமாக சென்னையில் இருந்து சூரத் வழியாக குவைத், ஹாங்காங், சுவிட்சர்லாந்து நாடுகளுக்கு கொண்டு செல்லப்பட்டு இருக்கிறது. இது 2ஜி ஊழல் வழக்கிற்கு மிக முக்கிய ஆதாரமாகும்’’ என்று தெரிவித்தன. அப்ரோஸ், மதன்லால் ஆகியோருக்காக துபாயில் இயங்கும் பல்வேறு ஹவாலா மோசடிதாரர்கள் மூலம் மணிஷ் ஷா வெளிநாடுகளுக்கு பணம் அனுப்பிவைத்து இருப்பதாகவும் அமலாக்கத்துறை வட்டாரங்கள் தெரிவித்தன.

அப்ரோசும், மதன்லாலும் வெளிநாடுகளில் இருந்து வைரங்களை இறக்குமதி செய்ததாக போலி பில்களை தயாரித்து, அதற்கு வெளிநாடுகளில் உள்ள வைரக் கம்பெனிகளுக்கு பணம் செலுத்தியதுபோல் மோசடி செய்து தங்களுடைய வங்கி கணக்குகள் மூலம் பணத்தை பரிமாற்றம் செய்திருப்பதாக கூறப்படுகிறது.

இருவரும் ஒரு கிராம் வைரம் அளவிற்குக் கூட இறக்குமதி செய்யாமலேயே இந்தியாவில் இருந்து பணம் சட்டவிரோதமாக வெளிநாடுகளுக்கு கடத்தப்பட்டிருப்பதாகத் தெரியவந்துள்ளது.

2ஜி வழக்கில் இந்த ஆதாரம் திடுக்கிடும் ஏற்படுத்தும் என கூறப்படுகிறது.