நெல்லை காவலர் கொலை: 4 பேர் அதிரடி கைது
சமீபத்தில் நெல்லையை சேர்ந்த காவலர் ஜெகதீசன் என்பவர் மணல் மாபியாவால் கொடூரமாக கொலை செய்யப்பட்ட நிலையில் இந்த கொலைக்கு காரணமானவர்களை கண்டுபிடிக்க தனிப்படைகள் அமைக்கப்பட்டது. இந்த தனிப்படைகளின் தீவிர விசாரணையால் அவரது கொலையில் சம்பந்தப்பட்ட 4 பேர்களை போலீசார் கைது செய்து சிறையில் அடைத்தனர்.
நெல்லை காவலர் ஜெகதீசன் கொலை வழக்கில் கைது செய்யப்பட்ட நான்கு பேர்கள் கிருஷ்ணன்(50), மணிகுமார்(24), ராஜா ரவி(25), முருகப்பெருமான்(20) ஆகியோர் என்பது குறிப்பிடத்தக்கது.ல் இந்த வழக்கு வழக்கு தொடர்பாக நெல்லை நீதிமன்றத்தில் அமிதாப்பச்சன் என்பவர் ஏற்கனவே சரணடைந்த நிலையில் தற்போது மேலும் 4 பேர் கைது செய்யப்பட்டுள்ளனர்.
இவர்களிடம் நடத்தப்படும் விசாரணையில் இருந்து இந்த கொலையில் வேறு யாரும் சம்பந்தப்பட்டிருக்கின்றார்களா என்பதை அறிந்து அவர்களும் கைது செய்யப்படுவார்கள் என்று தனிப்படை போலீசார் தெரிவித்துள்ளனர்.
