இந்தியாவுக்கு செல்ல வேண்டாம். ஆஸ்திரேலிய கிரிக்கெட் அணிக்கு பீட்டர்சன் அறிவுரை
சுழற்பந்தை விளையாட போதிய பயிற்சி எடுக்கவில்லை என்றால் இந்தியாவுக்கு செல்ல வேண்டாம் என இங்கிலாந்து அணியின் சிறந்த பேட்ஸ்மேனாக இருந்த கெவிட் பீட்டர்சன் அறிவுரை கூறியுள்ளார்.
இங்கிலாந்து கிரிக்கெட் அணி சமீபத்தில் இந்தியாவுக்கு சுற்றுப்பயணம் செய்து டெஸ்ட், ஒருநாள், டி-20 என அனைத்து தொடரையும் இழந்தது. இந்த வெற்றிக்கு பெரிய காரணமாக இந்திய சுழற்பந்து வீச்சாளர்தான். அதுமட்டுமின்றி சுழற்பந்து மேதை அனில்கும்ளே இந்திய அணியின் பயிற்சியாளராகவும் இருப்பதும் கூடுதல் பலமாக உள்ளது.
இந்நிலையில் ஆஸ்திரேலியா அணி இந்தியாவில் வரும் 23ஆம் தேதி முதல் சுற்றுப்பயணம் செய்ய வருகிறது. ஆஸ்திரேலிய அணிக்கு அறிவுரை கூறிய பீட்டர்சன் இந்திய மண்ணில் உங்களால் சுழற்பந்தை விளையாட முடியவில்லை என்றால், இந்தியா செல்லாதீர்கள் என்று அறிவுரை வழங்கியுள்ளார்.
