அதிமுக எம்.எல்.ஏக்களின் டெல்லி பயணம் ரத்து ஏன்?
அதிமுக பொதுச்செயலாளர் சசிகலா சட்டமன்றத்தின் தலைவராக தேர்வு செய்யப்பட்டபோதிலும், அவருக்கு முதல்வர் பதவிப்பிரமாணம் செய்து வைக்காமல் காலம் கடத்தும் தமிழக பொறுப்பு கவர்னர் மீது புகார் அளிக்க அதிமுக எம்.எல்.ஏக்கள் மற்றும் எம்பிக்கள் இன்று குடியரசு தலைவர் பிரணாப் முகர்ஜி அவர்களை சந்திக்க டெல்லி செல்வதாக இருந்தது.
ஆனால் தமிழக பொறுப்பு ஆளுனர் வித்யாசாகர் ராவ் இன்று மாலை சென்னை வரவுள்ளதாக ஆளுனர் மாளிகை தெரிவித்த தகவல் காரணமாக தமிழக எம்.எல்.ஏக்களின் டெல்லி பயணம் ரத்து செய்யப்பட்டதாகவும், இருப்பினும் பத்து எம்பிக்கள் குடியரசு தலைவரை இன்று பிற்பகல் சந்திக்க உள்ளதாகவும் அதிமுக வட்டாரங்கள் தெரிவித்தன
இன்று கவர்னர் சென்னை திரும்பியவுடன் சட்ட ஆலோசர்களிடம் கலந்து பேசி அதன் பின்னர் சசிகலாவுக்கு பதிவிப்பிரமாணம் செய்து வைப்பது குறித்த முடிவை எடுப்பார் என்று கூறப்படுகிறது.
