ஓபிஎஸ்-க்கு மேலும் ஒரு எம்.எல்.ஏ ஆதரவு. மொத்த எண்ணிக்கை 11 ஆனது
முன்னாள் முதல்வர் ஓபிஎஸ் அணிக்கு இதுவரை 10 எம்.எல்.ஏக்களும், 12 எம்பிக்களும் ஆதரவு கொடுத்திருந்த நிலையில் தற்போது மைலாப்பூர் எம்.எல்.ஏ ஆர்.நட்ராஜ் ஆதரவு கொடுத்துள்ளதால் அவரது ஆதரவு எண்ணிக்கை மொத்தம் 11ஆக அதிகரித்துள்ளது.
மொத்தம் அதிமுகவுக்கு 134 எம்.எல்.ஏக்கள் இருந்தனர். அவர்களில் ஜெயலலிதா மரணம் காரணமாக 133ஆக குறைந்தது. இந்நிலையில் ஓபிஎஸ் அணியில் 11 பேர் இருப்பதாலும், சபாநாயகர் பொதுவானவர் என்பதாலும் தற்போதைய நிலைப்படி சசிகலா அணியில் 121 பேர் இருக்க மட்டுமே வாய்ப்பு உள்ளது.
நம்பிக்கை வாக்கெடுப்பில் வெற்றி பெற 118 எம்.எல்.ஏக்களின் ஆதரவு தேவை என்பதால் இன்னும் மூன்று அல்லது நான்கு எம்.எல்.ஏக்கள் அணிமாறிவிட்டால் ஆட்சி கவிழ்ந்துவிடும். நாளை என்ன நடக்கும் என்பதை பொறுத்திருந்து பார்ப்போம்.
