‘தல அஜித்தின் அடுத்த படம் சோழர் கால கதையா?

‘தல அஜித்தின் அடுத்த படம் சோழர் கால கதையா?

தல அஜித் நடித்து வரும் ‘விவேகம்’ படத்தின் படப்பிடிப்பு கிட்டத்தட்ட இறுதிக்கட்டத்தில் உள்ளது. பல்கேரியாவில் நடைபெறும் படப்பிடிப்புடன் இந்த படத்தின் மொத்த படப்பிடிப்பும் முடிந்துவிடும் என்று இருக்கும் நிலையில் ‘தல 58’ படத்தை இயக்கும் இயக்குனர் குறித்த தகவல் தற்போது வெளிவந்துள்ளது.

அஜித் நடித்த ‘பில்லா’, ‘ஆரம்பம்’ ஆகிய படங்களை இயக்கிய பிரபல இயக்குனர் விஷ்ணுவர்தன் ‘தல 58’ படத்தை இயக்கவுள்ளதாக கூறப்படுகிறது. இதுகுறித்து ஆங்கில ஊடகம் ஒன்றுக்கு பேட்டியளித்த விஷ்ணுவர்தன் ‘தல 58′ படம் உறுதி செய்யப்பட்டால் அந்த தகவலை உலகிற்கு கூறும் முதல் நபர் நானாகத்தான் இருப்பேன். ஆனால் அதற்கான காலம் இன்னும் கனியவில்லை’ என்று கூறியுள்ளார்

பிரபல எழுத்தாளர் பாலகுமாரன் அவர்களுடன் இணைந்து விஷ்ணுவர்தன் எழுதியுள்ள சோழர் கால கதை ஒன்றில் அஜித் நடிக்கவுள்ளார் என்று ஏற்கனவே செய்திகள் வெளியானது. இந்த படம் உறுதி செய்யப்பட்டால் இந்த படத்திற்கு யுவன்ஷங்கர் ராஜா இசையமைப்பார் என்று கூறப்படுகிறது.