சிம்பு இசையில் பாடிய இளம் இசையமைப்பாளர்
சந்தானம் நடித்து வரும் ‘சக்க போடு போடு ராஜா’ படத்தின் மூலம் நடிகர் சிம்பு இசையமைப்பாளர் ஆகிறார் என்பது அனைவரும் அறிந்ததே. இந்த படத்தின் பாடல்களை யுவன்ஷங்கர் ராஜா, அனிருத், டி.ராஜேந்தர் – உஷா, மற்றும் சிலர் பாடியுள்ளனர்,
இந்நிலையில் இந்த படத்தின் ஒரு பாடலை இளம் இசையமைப்பாளர் லியோன் ஜேம்ஸ் பாடியுள்ளார். ‘உனக்காக உனக்காக’ என்று தொடங்கும் இந்த பாடலை சற்றுமுன் ஒலிப்பதிவு செய்ததாக சிம்பு தனது டுவிட்டரில் குறிப்பிட்டுள்ளார்.
லியோன் ஜேம்ஸ் உடன் பாடிய இந்த பாடல் மிக அருமையாக வந்துள்ளதாகவும், புதிய, திறமையான பாடகருடன் இணைந்தது தனக்கு மகிழ்ச்சி அளிப்பதாகவும் இந்த பாடலை அனைவரும் விரும்புவார்கள் என்றும் சிம்பு குறிப்பிட்டுள்ளார்
