அஜித்தின் ‘விவேகம்’ டீசர் எப்போது?
தல அஜித் நடித்து வரும் ‘விவேகம்’ படத்தின் இறுதிக்கட்ட படப்பிடிப்பு பல்கேரிய நாட்டில் நடைபெற்று வரும் நிலையில் இந்த படத்தின் படப்பிடிப்பு வரும் ஏப்ரலுடன் முடிவடைய உள்ளது.
இந்நிலையில் இந்த படத்தின் டீசர் பணிகள் சென்னையில் விறுவிறுப்பாக நடைபெற்று வருவதாகவும், இயக்குனர் சிவா பல்கேரியாவில் இருந்து சென்னைக்கு திரும்பியது இந்த படத்தின் டீசர் ரிலீஸ் தேதி அறிவிக்கப்படும் என்றும் கூறப்படுகிறது.
மேலும் இந்த படத்தின் டீசர் வரும் ஏப்ரல் 14 தமிழ் புத்தாண்டு தினத்தில் வெளியாகவுள்ளதாக வந்த செய்தியில் உண்மையில்லை என்றும் விரைவில் அதிகாரபூர்வமான டீசர் ரிலீஸ் தேதி அறிவிக்கப்படும் என்றும் இந்த படத்தின் தயாரிப்பு நிறுவனம் கூறியுள்ளது.
‘விவேகம்’ படத்தில் அஜித், காஜல் அகர்வால், அக்சராஹாசன், விவேக் ஓபராய் உள்ளிட்ட பலர் நடித்து வருகின்றனர். அனிருத் இசையில் உருவாகி வரும் இந்த படம் வரும் ஆகஸ்ட் 10ஆம் தேதி வெளியாகலாம் என்று எதிர்பார்க்கப்படுகிறது.
