கோலாகலமாக கொண்டாடப்பட்ட சர்வதேச தலையணை சண்டை தினம்.
ஒவ்வொரு ஆண்டும் ஏப்ரல் 1ஆம் தேதி முட்டாள்கள் தினம் கொண்டாடப்பட்டு வரும் நிலையில் அதே தினத்தில் சர்வதேச தலையணை சண்டை தினமும் கோலாகலமாக கொண்டாடப்பட்டது. வயது வித்தியாசம் இன்றி உலகின் பல நாடுகளில் ஒருவரையொருவர் தலையணையால் அடித்துக்கொண்டு சண்டையிட்ட காட்சி ஆங்காங்கே காணப்பட்டது. குறிப்பாக அமெரிக்காவின் நியூயார்க்கில் சர்வதேச தலையணை சண்டை தினம் மிகச்சிறப்பாக கொண்டாடப்பட்டது
இதற்காகவே நியூயார்க்கில் உள்ள வாஷிங்டன் ஸ்கொயர் பார்க் தேர்வு செய்யப்பட்டு இந்த தலையணை சண்டை போடும் நிகழ்ச்சி நடந்தது குறிப்பிடத்தக்கது.
அமெரிக்கா மட்டுமின்றி ஐரோபிய மற்றும் ஆப்பிரிக்க நாடுகளிலும், ஆசியாவின் ஒருசில நாடுகளிலும் சர்வதேச தலையணை சண்டை தினம் கொண்டாடப்பட்டதாக தகவல்கள் வெளிவந்துள்ளது.
