விஷாலின் ‘நம்ம அணி’ உறுப்பினர்களுக்கு ரஜினிகாந்த் வாழ்த்து
தமிழ் திரைப்பட தயாரிப்பாளர் சங்கத்தேர்தலில் வெற்றி பெற்ற விஷாலின் நம்ம அணியினர் நேற்று பதவியேற்று கொண்ட நிலையில் விஷால் உள்பட அனைத்து நிர்வாகிகளுக்கு ரஜினிகாந்த் வாழ்த்து தெரிவித்து கடிதம் ஒன்றை அனுப்பியுள்ளார். இந்த கடிதத்தில் அவர் கூறியிருப்பதாவது:
“தமிழ் திரைப்பட தயாரிப்பாளர்கள் சங்கத் தேர்தலில் தலைவர் பதவிக்கு போட்டியிட்டு வெற்றி பெற்ற திரு.விஷால் அவர்களுக்கும், துணைத்தலைவர்கள் திரு பிரகாஷ்ராஜ், திரு கவுதம் மேனன் அவர்களுக்கும், கெளரவ செயலாளர்கள் திரு ஞானவேல்ராஜா, திரு.கதிரேசன் அவர்களுக்கும் பொருளாளர் திரு,எஸ்.ஆர்.பிரபு அவர்களுக்கும் மற்றும் செயற்குழு உறுப்பினர்களுக்கும் என் மனமார்ந்த பாராட்டுக்களை தெரிவித்து கொண்டு தயாரிப்பாளர்களின் அனைத்து தேவைகளையும் பூர்த்தி செய்ய அந்த கடவுள் உங்களோடு துணையிருக்க வேண்டுமென்று வேண்டி வாழ்த்துகிறேன்’ என்று குறிப்பிட்டுள்ளார்.
