அஜித் ரசிகர்களிடம் சிக்கி சின்னாபின்னாமான கமால் ஆர்.கான்
சமூக வலைத்தளங்களில் அஜித்தை போற்றினாலும் தூற்றினாலும் அதைவிட நூறு மடங்கு எதிர்விளைவு ஏற்படும் என்பது அனைவரும் அறிந்தததே. சிறிய நடிகர் ஒருவர் அஜித்தை பற்றி புகழ்ந்து கூறினால் அவர் ஒருசில மணி நேரங்களில் அஜித் ரசிகர்களின் புண்ணியத்தால் இந்திய அளவில் டுவிட்டரில் டிரெண்ட் ஆகிவிடுவார். அதே நேரத்தில் எவ்வளவு பெரிய ஆளாக இருந்தாலும் அஜித்தை தவறாக விமர்சனம் செய்தால் அவரை உண்டு இல்லை என்று அஜித் ரசிகர்கள் ஆக்கிவிடுவார்கள் என்பது குறிப்பிடத்தக்கது.
இந்த நிலையில் ஏற்கனவே ரஜினிகாந்தை அழகில்லாதவர் என்றும், மோகன்லாலை சோட்டா பீம் என்றும் கூறி வாங்கி கட்டிக்கொண்ட வட இந்திய பிரபலம் கே.ஆர்.கே என்னும் கமால் ஆர்.கான் என்பவர் தற்போது அஜித் குறித்து தரக்குறைவாக விமர்சனம் செய்து சின்னாபின்னாமாகி வருகிறார். இவர் தனது டுவிட்டரில் ‘கோலிவுட்டின் எருமை மாடு அஜித்துக்கு பிறந்த நாள் வாழ்த்துக்கள்’ என்றும் தென்னிந்தியாவில் இவரெல்லாம் ஒரு ஹீரோவா? என்றும் குறிப்பிட்டுள்ளார்.
கமால் ஆர். கானின் இந்த பதிவுக்கு நேற்று மாலை முதல் தொடர்ச்சியாக அஜித் ரசிகர்கள் பதிலடி கொடுத்து வருகின்றனர்.
