‘விஐபி 2’ படம் குறித்து தனுஷின் முக்கிய அறிவிப்பு
தனுஷ், அமலாபால் நடிப்பில் சூப்பர் ஸ்டார் ரஜினியின் மகள் செளந்தர்யா ரஜினிகாந்த் இயக்கிய ‘விஐபி 2’ திரைப்படம் ரிலீஸ் தேதி குறித்த தகவலை இன்னும் சற்று நேரத்தில் அறிவிக்கவுள்ளதாக தனுஷ் தனது டுவிட்டரில் தெரிவித்துள்ளார். இந்த படத்தின் படப்பிடிப்பு ஏற்கனவே முடிவடைந்து தற்போது போஸ்ட் புரடொக்ஷன்ஸ் பணியில் இருக்கும் நிலையில் தனுஷின் இந்த அறிவிப்பு மிகப்பெரிய எதிர்பார்ப்பை ஏற்படுத்தியுள்ளது.
தனுஷின் ‘பவர்பாண்டி’ திரைப்படம் சமீபத்தில் வெளிவந்து சூப்பர் ஹிட் ஆகியுள்ள நிலையில் அவருடைய இந்த அறிவிப்பு ரசிகர்களை உற்சாகப்படுத்தியுள்ளதாக கூறப்படுகிறது. அனேகமாக இந்த படம் ஆகஸ்ட் மாதம் வெளிவர வாய்ப்பு இருப்பதாக கருதப்படுகிறது
தனுஷ், அமலாபால், கஜோல், சமுத்திரக்கனி, சரண்யா, விவேக், மோனல் கஜ்ஜார், ரிஷிகேஷ் உள்பட பலர் நடித்துள்ள இந்த படத்திற்கு சீன் ரோல்டன் இசையமைத்துள்ளார். சமீர் தாஹிர் ஒளிப்பதிவாளராகவும், சத்யராஜ் நடராஜன் படத்தொகுப்பாளராகவும் பணிபுரிந்துள்ள இந்த படத்தை கலைப்புலி எஸ்.தாணு மற்றும் தனுஷ் ஆகியோர் இணைந்து தயாரித்துள்ளனர்.
