எக்ஸ்பிரஸ் அவென்யூ ஷாப்பிங் மாலில் நுழைந்த கமாண்டோ படை. திடீர் பரபரப்பு
சென்னை ராயப்பேட்டையில் உள்ள எக்ஸ்பிரஸ் அவென்யூ என்ற ஷாப்பிங் மாலை கமாண்டோ படையினர் நள்ளிரவு சுமார் 2 மணி அளவில் திடீரென சுற்றி வளைத்ததால் பரபரப்பு ஏற்பட்டது.
சென்னை ராயப்பேட்டை எக்ஸ்பிரஸ் அவென்யூ ஷாப்பிங் மாலில் நள்ளிரவு 2 மணியளவில் ஷாப்பிங் மாலை கமாண்டோ படையினர் திடீரென சுற்றி வளைத்தனர். அவர்கள் ஆயுதம் தாங்கிய நிலையில் சம்பவ இடத்திற்கு பரபரப்புடன் வந்து, ஷாப்பிங் மாலை சுற்றியுள்ள நுழைவுப் பாதைகளை தங்கள் கட்டுப்பாட்டுக்குள் கொண்டு வந்தனர். வெளியாட்கள் யாரையும் உள்ளேயும் அனுமதிக்கவில்லை. உள்ளே இருந்த ஊழியர்கள் யாரையும் வெளியேயும் செல்லவிடவில்லை. இதனால் மாலில் காவலுக்காக நின்றிருந்த காவலாளிகள் அச்சமடைந்தனர்.
மேலும் அந்த நேரத்தில் இரவு காட்சி சினிமா முடிந்து, வெளியே வந்த பொதுமக்கள் பொதுமக்கள் கமாண்டோ படையைக் கண்டு பதற்றம் அடைந்தனர். விரைவாக வெளியேற முயன்ற அவர்களை கமாண்டோ படையினர் தடுத்து நிறுத்தினர். அதன் காரணமாக, ஏதோ விபரீதம் நிகழப் போவதாக அச்சம் ஏற்பட்டது. சிறிது நேரம் கழித்து, கமாண்டோ படையினர் கலைந்து சென்றனர். பின்னர்தான் இது தமிழக காவல் துறை கமாண்டோ பிரிவின் பாதுகாப்பு பயிற்சி ஒத்திகை என்று பின்னர் தெரிவிக்கப்பட்டது. இதையடுத்து அந்த பகுதி பொதுமக்கள் நிம்மதி அடைந்தனர்
