விஜய்-பிரபுதேவா மீண்டும் இணையும் ‘போக்கிரி 2’
தற்போது கோலிவுட் திரையுலகில் இரண்டாம் பாக சீசன் வெற்றிகரமாக நடந்து வருகிறது. எந்திரன் 2, பாகுபலி 2, உள்பட பல படங்களின் இரண்டாம் பாகங்கள் வெளிவந்து கொண்டும், தயாரிக்கப்பட்டு கொண்டும் இருக்கும் நிலையில் இளையதளபதி விஜய்யின் சூப்பர் ஹிட் படமான ‘போக்கிரி 2’ படமும் விரைவில் தயாராக உள்ளது.
இந்த படத்தை இயக்கிய பிரபுதேவா, முதலில் இந்த படத்தின் இந்தி ரீமேக்கான ‘வாண்டட்’ படத்தின் இரண்டாம் பாகத்தை இயக்கவுள்ளதாகவும், அதனையடுத்து தமிழில் விஜய் நடிப்பில் ‘போக்கிரி 2’ படத்தை இயக்கவுள்ளதாகவும் செய்திகள் வெளிவந்து கொண்டிருக்கின்றது.
‘போக்கிரி’ படத்தின் நாயகி அசின் திருமணம் ஆகி குடும்ப வாழ்க்கையில் செட்டில் ஆகிவிட்டதால் ‘போக்கிரி 2’ படத்தில் பிரபல நடிகை ஒருவர் நடிப்பார் என்று எதிர்பார்க்கப்படுகிறது.
