‘விவேகம்’ சாதனையை செய்தியாக வெளியிட்ட ஃபோர்ப்ஸ் நிறுவனம்
தல அஜித் நடித்து வரும் ‘விவேகம்’ படத்தின் டீசர் நேற்று வெளியாகி சமூக வலைத்தளங்களில் பெரும் சுனாமியை கிளப்பிய நிலையில் அதிவேக 5K லைக்ஸ் என்ற சாதனையையும் செய்துள்ளது.
இந்த நிலையில் அமெரிக்காவின் முன்னணி ஊடகமான ஃபோர்ப்ஸ் நிறுவனம் ‘விவேகம்’ குறித்து செய்தி வெளியிட்டுள்ளது. அந்த செய்தியில் மேலும் ‘நள்ளிரவு 12 மணிக்கு வெளியான ‘விவேகம்’ படத்தின் டீசர் வெறும் 12 மணி நேரத்தில் 5 மில்லியன் பார்வையாளர்களை பெற்றுள்ளது என்றும் இந்த சாதனை இதற்கு முந்தைய தென்னிந்திய படமான ‘கபாலி’ படத்தின் சாதனையை தகர்த்துள்ளது என்றும் அந்த செய்தியில் குறிப்பிடப்பட்டுள்ளது.
‘தல’ என்று அவரது ரசிகர்களால் அன்புடன் அழைக்கப்படும் தென்னிந்திய சூப்பர் ஸ்டார் அஜித்தின் ‘விவேகம்’ படத்தின் டீசரை அவரது படைவீரர்கள் இடைவிடாமல் பார்த்து இந்த சாதனையை செய்துள்ளனர் என்றும் அந்த பத்திரிகை குறிப்பிட்டுள்ளது. மேலும் ஜேம்ஸ்பாண்ட் படங்களுக்கு இணையாக உள்ள இந்த படம் வரும் ஆகஸ்ட் மாதம் 10ஆம் தேதி வெளிவரவுள்ளதாகவும் அந்த செய்தி தெரிவிக்கின்றது.
இந்த செய்தி அஜித் ரசிகர்களை உற்சாகத்தில் ஆழ்த்தியுள்ளது.
