பேருந்தை 3 பெட்ரூம் வீடாக மாற்றிய இங்கிலாந்து குடும்பம்
வீட்டில் அலுவலகத்திற்கோ அல்லது வேறு இடங்களுக்கோ செல்வதற்கு பேருந்தை பிடித்து செல்பவர்களைத்தான் இதுவரை பார்த்திருக்கின்றோம். ஆனால் இங்கிலாந்து நாட்டில் வாழும் ஒரு குடும்பம், ஒரு பேருந்தையே வீடாக மாற்றியுள்ள அதிசயம் குறித்த செய்தி தற்போது வெளிவந்துள்ளது.
ரிக் ஹண்ட் என்பவர்தான் இந்த வேலையை செய்தது. தனக்கிருந்த வீட்டை விற்றுவிட்டு அதில் கிடைத்த பணத்தால் ஒரு பேருந்தை வாங்கினார். பின்னர் அந்த பேருந்தையே மூன்று பெட்ரூம் வீடாக மாற்றி தற்போது தேவையான வசதிகள் அனைத்தும் உள்ள வீடாக அவர் மாற்றிவிட்டார். இதற்கு ஹண்ட் செலவு செய்த தொகை வெறும் 20,000 பவுண்டுகள் மட்டுமே என்பது குறிப்பிடத்தக்கது.
தனது மனைவி மாற்றுத்திறனாளியாக இருப்பதால் அவரை பல இடங்களுக்கு அழைத்து செல்வதில் சிரமம் இருந்ததாகவும், அவருக்காகவே இந்த மொபைல் பேருந்தை உருவாக்கியதாகவும் அவர் நெகிழ்வுடன் கூறியுள்ளார்.
