ரஜினியின் ‘காலா’ படத்தில் தமிழீழம் எப்படி வந்தது?
சூப்பர் ஸ்டார் ரஜினிகாந்த் நடிப்பில் பா.ரஞ்சித் இயக்கவுள்ள ‘காலா’ திரைப்படம் மும்பை வாழ் தமிழர்கள் குறித்த கதை என்று தான் படக்குழுவினர்களால் அறிவிக்கப்பட்டுள்ளது.
ஆனால் நேற்று வெளியான இந்த படத்தின் டைட்டில் போஸ்டர் மற்றும் ஃபர்ஸ்ட்லுக் போஸ்டர்களை வைத்து ஆளாளுக்கு ஒரு கதையை கிளப்பிவிட்டு வருகின்றனர். அந்த வகையில் தற்போது வேகமாக பரவும் ஒரு வதந்தி இந்த படம் மறைமுகமாக தமிழீழத்தை குறிக்கின்றது என்பது தான்
இந்த படத்தின் போஸ்டரை தலைகீழாக பார்த்தால் தமிழீழம் போல் தெரிவதாக டுவிட்டரில் ஒருசிலர் பதிவு செய்துள்ளனர். மேலும் தமிழீழ விடுதலைப்புலிகளின் தலைவர் பிரபாகரன் தனக்குத்தானே சூட்டி கொண்ட பெயர்களில் ஒன்று கரிகாலன் என்றும் அந்த பெயர் தான் டைட்டிலாக வைக்கப்பட்டிருப்பதாகவும் வதந்திகள் பரவி வருகிறது.
