சீன எல்லையில் கண்டுபிடிக்கப்பட்ட காணாமல் போன ராணுவ விமானம்! சதிவேலையா?
கடந்த சில நாட்களுக்கு முன்னர் மாயமாய் மறைந்த இந்திய விமானப்படைக்குச் சொந்தமான சு-30 எனப்படும் சுகோய்-30 விமானத்தின் கருப்புப்பெட்டி கிடைத்துள்ளது. ஆனால் இதில் பயணம் செய்த இரண்டு விமானிகள் குறித்து எந்த தகவல்களும் இன்னும் கிடைக்கவில்லை
அஸ்ஸாம் மாநிலத்தின், தேஜ்பூர் அருகே 2 விமானிகள், சு-30 என்ற ராணுவ விமானத்தில் கடந்த 23 ஆம் தேதி பயிற்சி மேற்கொண்டிருந்தபோது திடீரென ரேடார் சிக்னலிலிருந்து இருந்து விலகியது. ராணுவ ரேடாரில் இருந்து காணாமல் போன விமானத்தை கண்டுபிடிக்கும் முயற்சியில் மீட்புப்படையினர் கடந்த நான்கு நாட்களாக தீவிரமாக ஈடுபட்டிருந்த நிலையில் விமானம் சீன எல்லையில் உள்ள காட்டுப்பகுதியில் விழுந்து நொறுங்கியிருந்தது கண்டுபிடிக்கப்பட்டது.
தற்போது, சுகோய் விமானத்தின், கறுப்புப் பெட்டியை, மீட்பு குழுவினர் கண்டுபிடித்துள்ளனர். விமானம் விழுந்த இடத்தில், இருந்தே கறுப்புப் பெட்டி மீட்கப்பட்டுள்ளது. இந்த விபத்து குறித்து நீதிவிசாரணை செய்ய ராணுவம் உத்தரவிட்டுள்ளது.
