ஐசிசி சாம்பியன்ஸ் கோப்பை கிரிக்கெட்: பாகிஸ்தானுக்கு ஆறுதல் வெற்றி
ஐசிசி சாம்பியன்ஸ் கோப்பை கிரிக்கெட் போட்டி விறுவிறுப்பான கட்டத்தை அடைந்துள்ள நிலையில் நேற்று நடந்த போட்டியில் பாகிஸ்தான் 19 ரன்கள் வித்தியாசத்தில் வெற்றி பெற்றது. இந்தியாவுடன் விளையாடி படுதோல்வி அடைந்த பாகிஸ்தானுக்கு இந்த வெற்றி ஆறுதலை கொடுத்துள்ளது.
நேற்றைய போட்டியில் டாஸ் வென்ற தென்னாப்பிரிக்கா முதலில் பேட்டிங் செய்து 50 ஓவர்களில் 8 விக்கெட்டுக்களை இழந்து 219 ரன்கள் எடுத்தது. ஹசன் அலி அபாரமாக பந்துவீசி 3 விக்கெட்டுக்களை வீழ்த்தினார்
இதனால் 220 ரன்கள் எடுத்தால் வெற்றி என்ற நிலையில் பாகிஸ்தான் அணி 27 ஓவர்களில் 3 விக்கெட்டுக்களை இழந்து 119 ரன்கள் எடுத்த போது மழை குறுக்கிட்டது. கடைசி வரை மழை நிற்காததால் இந்த போட்டியில் டக்வொர்த் லீவீஸ் முறைப்படி 19 ரன்கள் வித்தியாசத்தில்ல் பாகிஸ்தான் வெற்றி பெற்றதாக அறிவிக்கப்பட்டது.
இந்த நிலையில் இன்று இந்தியா மற்றும் இலங்கை அணிகளுக்கு இடையிலான போட்டி நடைபெறவுள்ளது.
