பாஜகவின் ஜனாதிபதி வேட்பாளர் அறிவிப்பு எப்போது?
இந்திய ஜனாதிபதி பிரணாப் முகர்ஜியின் பதவிக்காலம் வரும் ஜூலை மாதத்துடன் முடிவடைவதை அடுத்து புதிய ஜனாதிபதிக்கான தேர்தல் வரும் ஜூலை மாதம் 17ஆம் தேதி நடைபெறும் என்று தேர்தல் ஆணையம் அறிவித்துள்ளது.
இதனையடுத்து புதிய ஜனாதிபதிக்கான வேட்பாளர் தேர்வில் ஆளும் பாஜகவும், எதிர்க்கட்சியான காங்கிரஸ் கட்சியும் தீவிரமாக உள்ளன. இந்த நிலையில் பாஜகவின் ஜனாதிபதி வேட்பாளர் வரும் 15 ஆம் தேதி அறிவிக்கப்பட வாய்ப்பு உள்ளதாக பாஜக வட்டாரங்கள் கூறுகின்றன
பாஜக சார்பில் ஜார்கண்ட் ஆளுனர் திரௌபதி முர்மு உள்பட ஐந்து பேர் பரிசீலனையில் இருப்பதாகவும், அதேபோல் காங்கிரஸ் கட்சியின் சார்பில் மீராகுமார் போட்டியிட அதிக வாய்ப்பு இருப்பதாகவும் கூறப்படுகிறது.
