ஜெயலலிதா சமாதியில் இருந்து எழுந்து வந்துவிடுவாரோ? குஷ்பு
அதிமுகவில் தற்போது நடைபெற்று வரும் குழப்பங்களை பார்த்தால் ஜெயலலிதா சமாதியில் இருந்து எழுந்து வந்துவிடுவாரோ என்ற ஐயத்தை நடிகையும் காங்கிரஸ் கட்சியின் செய்தித்தொடர்பாளருமான குஷ்பு தனது டுவிட்டரில் தெரிவித்துள்ளார்.
ஏற்கனவே அதிமுகவின் இரு அணிகளிலும் ஏகப்பட்ட குழப்பங்கள் இருந்து வரும் நிலையில் நேற்று டைம்ஸ் நவ் தொலைக்காட்சி கூவத்தூரில் எம்.எல்.ஏக்களுக்கு பணம் பட்டுவாடா செய்யப்பட்டது குறித்த வீடியோ ஒன்றை வெளியிட்டு பெரும் பரபரப்பை ஏற்படுத்தியது.
தமிழகத்தின் மானம் கப்பல் ஏறும் வகையில் நடந்த இந்த சம்பவத்த்தால் தமிழகத்திற்கே தலைக்குனிவு ஏற்பட்டுள்ளது என்றும் அதனால் முன்னாள் தமிழக முதலமைச்சர் ஜெயலலிதா சமாதியில் இருந்து எழுந்து வந்துவிடுவார் என்றும் நடிகை குஷ்பு தெரிவித்துள்ளார்.
