சூர்யா படத்தில் முதன்முதலாக இணைந்த கார்திக்
கடந்த 90ஆம் ஆண்டுகளில் முன்னணி நாயகனாக கோலிவுட்டில் வலம் வந்த நடிகர் கார்த்திக் நீண்ட இடைவெளிக்கு பின்னர் தனுஷ் நடித்த ‘அனேகன்’ படத்தில் நடித்தார். இந்நிலையில் மீண்டும் தற்போது ஒரு புதிய படத்தில் நடிக்க ஒப்பந்தமாகியுள்ளார். அந்த படம் சூர்யா, கீர்த்தி சுரேஷ் நடிப்பில் விக்னேஷ் சிவன் இயக்கி வரும் ‘தானா சேர்ந்த கூட்டம்’ என்ற படம் என்பது குறிப்பிடத்தக்கது
ஏற்கனவே இந்த படத்தில் சீனியர் காமெடி நடிகர் செந்தில், சுரேஷ்மேனன் ஆகியோர் முக்கிய வேடங்களில் நடித்து வரும் நிலையில் தற்போது கார்த்திக்கும் முக்கிய கேரக்டருக்காக இணைந்துள்ளார்.
கார்த்தியின் கேரக்டர் பத்து நிமிடங்களே படத்தில் தோன்றும் கேரக்டர் என்றாலும் அனைவரின் மனதிலும் நிற்கும் வகையிலான கேரக்டர் என்று இயக்குனர் விக்னேஷ் சிவன் தெரிவித்துள்ளார்.
சூர்யா, கீர்த்திசுரேஷ், செந்தில், சரண்யா பொன்வண்ணன், ரம்யா கிருஷ்ணன், கோவை சரளா, கே.எஸ்.ரவிகுமார், ஆனந்த்ராஜ், ஆர்ஜே பாலாஜி, சுரேஷ்மேனன், தம்பி ராமையா உள்ளிட்டோர் நடித்துள்ள இந்த படத்தை 2D எண்டர்டெயின்மெண்ட் நிறுவனம் தயாரித்து வருகிறது. அனிருத் இசையமைத்து வரும் இந்த படத்திற்கு தினேஷ் கிருஷ்ணன் ஒளிப்பதிவும், ஸ்ரீகர் பிரசாத்தும் படத்தொகுப்பும் செய்துள்ளனர்.
