ரூ.20 கோடியை நெருங்கும் ‘பாகுபலி 2’ படத்தின் சென்னை வசூல்
பிரபாஸ், அனுஷ்கா நடித்த ‘பாகுபலி 2’ திரைப்படம் கடந்த ஏப்ரல் 28ஆம் தேதி உலகமெங்கும் பிரமாண்டமாக வெளியாகி உலகம் முழுவதும் இதுவரை ரூ.1678 கோடி வசூல் செய்துள்ளது. மேலும் இந்த படம் விரைவில் சீனாவிலும் வெளியாகவுள்ளதால் ரூ.2000 கோடியை மிஞ்சிவிடும் என்று எதிர்பார்க்கப்படுகிறது.
இந்த நிலையில் சென்னையில் மட்டும் இந்த படத்தின் வசூல் ரூ.20 கோடியை நெருங்கிவிட்டதாக கூறப்படுகிறது. சென்னையில் தமிழ், தெலுங்கு மற்றும் இந்தி ஆகிய மூன்று மொழிகளிலும் சேர்த்து ரூ.18,60,36,120 வசூல் செய்துள்ளது என்பது குறிப்பிடத்தக்கது.இன்னும் ரூ.1.5 கோடி வசூல் செய்துவிட்டால் இந்த படத்தின் சென்னை வசூல் ரூ.20 கோடியை தொட்டுவிடும் என்பது குறிப்பிடத்தக்கது.
மேலும் இந்த படம் சென்னையில் தமிழில் மட்டும் ரூ.16,43,28,840 வசூல் செய்துள்ளதாகவும், இந்த படத்தின் வசூலை மிஞ்ச இனியொரு படம் வருமா? என்பது சந்தேகமே என்றும் கூறப்படுகிறது.
