‘விஐபி 2’: ஆடியோ ரிலீஸ் தேதி அறிவிப்பு
தனுஷ், அமலாபால், கஜோல், நடிப்பில் செளந்தர்யா ரஜினிகாந்த் இயக்கிய ‘விஐபி 2’ திரைப்படத்தின் படப்பிடிப்பு முடிந்துவிட்ட நிலையில் இந்த படம் வரும் ஜூலையில் வெளியாகும் என்று எதிர்பார்க்கப்படுகிறது.
இந்த நிலையில் சமீபத்தில் வெளியான இந்த படத்தின் டீசர் மிகப்பெரிய ஹிட்டாகிய நிலையில் வரும் 25ஆம் தேதி இந்த படத்தின் பாடல்கள் வெளியாகவுள்ளதாக இயக்குனர் செளந்தர்யா ரஜினிகாந்த் அறிவித்துள்ளார். சீன்ரோல்டன் இசையில் உருவாகியுள்ள இந்த படத்தின் பாடல்கள் முதல் பாகத்தில் அனிருத் இசையில் இருந்தது போன்று இருக்குமா? என்பதை பொறுத்திருந்து தான் பார்க்க வேண்டும்
மேலும் அதே 25ஆம் தேதி இந்த படத்தின் தமிழ், தெலுங்கு டிரைலரையும் ரிலீஸ் செய்ய படக்குழுவினர் திட்டமிட்டுள்ளனர். இந்தி டிரைலர் மட்டும் சில நாட்கள் கழித்து வெளியிடப்படும் என தெரிகிறது.
