மகளிர் உலகக்கோப்பை கிரிக்கெட்: இலங்கையை வீழ்த்தியது இந்தியா
மகளிர் உலகக்கோப்பை கிரிக்கெட் போட்டி இங்கிலாந்து நாட்டில் நடைபெற்று வரும் நிலையில் நேற்று நடந்த இலங்கைக்கு எதிரான போட்டியில் இந்தியா 16 ரன்கள் வித்தியாசத்தில் வெற்றி பெற்றது.
டாஸ் வென்ற இந்திய அணி முதலில் பேட்டிங் செய்து 50 ஓவர்களில் 8 விக்கெட்டுக்களை இழந்து 232 ரன்கள் எடுத்தது. டிபி ஷர்மா 78 ரன்களும், எம்.ராஜ் 53 ரன்களும் எடுத்தனர்.
இந்த நிலையில் 233 ரன்கள் எடுத்தால் வெற்றி என்ற இலக்குடன் களமிறங்கிய இலங்கை அணி 7 விக்கெட்டுக்கள் இழப்பிற்கு 216 ரன்கள் மட்டுமே எடுத்து தோல்வ் அடைந்தது. இந்த வெற்றியின் மூலம் இந்திய அணி 8 புள்ளிகள் எடுத்து இரண்டாவது இடத்தில் உள்ளது.
