எண்ணெய் நிறுவனத்தின் 5 டேங்கர் லாரியில் பயங்கர தீ விபத்து
மேற்கு வங்கத்தில் உள்ள இந்திய ஆயில் கார்ப்பரேஷன் நிறுவனத்தின் டேங்கர் லாரியில் நேற்று இரவு பயங்கர தீ விபத்து ஏற்பட்டுள்ளதால் அந்த பகுதியில் பெரும் பதட்டம் நிலவுகிறது.
மேற்கு வங்க மாநிலம், சிலிகுரியில் இந்திய ஆயில் கார்ப்பரேஷன் நிறுவனத்தின் எண்ணெய் கிடங்கு உள்ளது. இந்த நிறுவனத்திற்கு சொந்தமான 5 டேங்கர் லாரியில் நேற்றிரவு திடீரென்று பயங்கர தீ விபத்து ஏற்பட்டுள்ளது. இதுகுறித்து தகவல் அறிந்தவுடன் சிலிகுறி தீயணைப்பு படை வீரர்கள் விரைந்து வந்து தீயை அணைக்கும் பணியில் ஈடுபட்டனர்.
தீயணைப்பு வீரர்கள் பலமணி நேரம் கடுமையாக போராடி தீயை சற்று முன்னர் கட்டுக்குள் கொண்டு வந்துள்ளதாக செய்திகள் வெளிவந்துள்ளது. ஆனால் இந்த தீ விபத்தில் காயமடைந்தவர்கள் பற்றிய தகவல் ஏதும் இதுவரை வெளியாகவில்லை என்பது குறிப்பிடத்தக்கது
